Tvö skip fengið slæm brot á sig

Venus NS að veiðum. Mynd úr safni.
Venus NS að veiðum. Mynd úr safni.

„Það er búið að vera leiðindaveður og það var bræla á miðunum þegar við komum. Þrátt fyrir það náðum við einu góðu holi, 440 tonnum, en það var mun minni afli í næsta holi á eftir. Eftir að veðrið versnaði var ekki um annað að ræða en leita vars og við komum inn á flóann í gær,“ segir Theódór Þórðarson, skipstjóri á Venusi NS.

Skipið var eitt af sex íslenskum uppsjávarveiðiskipum sem leituðu í fyrradag vars inni á Donegal-flóa en óveður geisar nú á kolmunnamiðunum vestur af Írlandi.

Að sögn Theódórs er veðurútlit slæmt og ekki horfur á að óveðrið gangi niður fyrr en á föstudag. Tvö íslensk skip hafi þá þegar fengið á sig slæm brot.

Ekki um annað að ræða

„Upphaflega ætlum við til hafnar í Killybegs en þar var allt fullt og því leituðum við vars inni á Donegal-flóa. Í raun var ekki um annað að ræða því auk brælunnar er sjólag mjög slæmt þarna úti og tvö íslensku skipanna höfðu fengið slæm brot á sig,“ segir Theódór.

Fram kemur á vef HB Granda að Venus hafi verið að veiðum töluvert norðar en kolmunnaveiðarnar byrjuðu. Fiskurinn hrygni suður og suðvestur af Írlandi og gangi svo norður í ætisleit.

„Við þekkjum lítið til veiða á kolmunna á þessum tíma enda höfum við verið á loðnuveiðum í febrúar og fram í mars. Við höfum svo farið til kolmunnaveiða og undanfarin tvö ár hefur botninn dottið úr veiðunum vestur af Írlandi 18. til 20. mars. Vonandi verður breyting á í ár og við ættum að komast aftur á miðin á fimmtudagskvöld eða á föstudag.“

mbl.is
Afurð Dags. Meðalverð
Þorskur, óslægður 25.3.19 316,38 kr/kg
Þorskur, slægður 25.3.19 348,07 kr/kg
Ýsa, óslægð 25.3.19 287,22 kr/kg
Ýsa, slægð 25.3.19 280,58 kr/kg
Ufsi, óslægður 25.3.19 104,61 kr/kg
Ufsi, slægður 25.3.19 153,72 kr/kg
Djúpkarfi 25.3.19 161,00 kr/kg
Gullkarfi 25.3.19 198,82 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

25.3.19 Edda NS-113 Grásleppunet
Grásleppa 805 kg
Samtals 805 kg
25.3.19 Már SK-090 Grásleppunet
Grásleppa 1.194 kg
Þorskur 408 kg
Samtals 1.602 kg
25.3.19 Eydís NS-320 Grásleppunet
Þorskur 1.016 kg
Grásleppa 445 kg
Skarkoli 16 kg
Ýsa 10 kg
Steinbítur 6 kg
Samtals 1.493 kg
25.3.19 Sunnutindur SU-095 Línutrekt
Þorskur 2.907 kg
Langa 1.026 kg
Ýsa 670 kg
Keila 213 kg
Ufsi 25 kg
Steinbítur 11 kg
Karfi / Gullkarfi 6 kg
Samtals 4.858 kg

Skoða allar landanir »