Morgunflóð í Reykjavík verði 4,4 metrar

Landhelgisgæslan vekur athygli á sérlega hárri sjávarstöðu næstu daga, en stórstreymt er á föstudaginn. Veðurspá gerir ráð fyrir hvössum suðvestan- og vestanáttum og mikilli ölduhæð vestur af landinu fram á fimmtudag.

Í tilkynningu frá Landhelgisgæslunni segir að samkvæmt sjávarfallaútreikningum sjómælinga- og siglingaöryggisdeildar Landhelgisgæslunnar verði morgunflóð í Reykjavík á fimmtudag og föstudag 4,4 metrar og á Ísafirði verður morgunflóðið 2,4 metrar sömu daga. Vindáhlaðandi og há ölduhæð geti síðan haft áhrif til hækkunar sjávarstöðu umfram þessa útreikninga.

• Blogga um frétt