Særún komin til heimahafnar

Grásleppubáturinn Særún frá Árskógssandi hefur verið uppfærður og er tilbúinn ...
Grásleppubáturinn Særún frá Árskógssandi hefur verið uppfærður og er tilbúinn til veiða.

Útgerðarfélagið Sólrún ehf. á Árskógssandi fékk á dögunum nýjan bát til heimahafnar, Særúnu EA-251. Pétur Sigurðsson framkvæmdastjóri félagsins segir í samtali við 200 mílur að um sé að ræða bát sem keyptur var síðasta haust. „Við stækkuðum beitningarvélabátinn hjá okkur síðasta sumar, og seldum svo minni beitningavélabátinn sl. haust. Við tókum 12 tonna grásleppunetabát frá Gáska upp í frá kaupandanum. Upphaflega ætluðum við að selja hann aftur, en ákváðum svo að gera hann út, og vorum að láta klassa hann upp inni á Siglufirði. Við fengum hann svo hingað til Árskógssands í síðustu viku,“ segir Pétur.

Breytingarnar sem gerðar voru á bátnum voru þær helstar að sögn Péturs, að settur var í bátinn netabúnaður, skrokkurinn málaður og tækjabúnaður uppfærður. „Báturinn mun fara á grásleppuveiðar fram á vorið, eða eins lengi og það verður leyft. Svo geri ég ráð fyrir að við færum bátinn yfir í aflamarkið og verðum með hann eitthvað á þorskanetum á næsta fiskveiðaári, samhliða grásleppunni.  Hugsunin er að þetta verði netabátur, en fyrir erum við með fínan línubát, Sólrúnu, 15 tonna beitningavélabát.“

Pétur segir að veiðar Sólrúnar hafi gengið vel. „Við höfum verið að fiska svona 65 – 90 tonn á mánuði á fiskveiðiárinu. Hann er núna í smá slipp meðan á grásleppuvertíðinni stendur, en verður svo í róðri út fiskveiðiárið.“

Verðið með því besta

Spurður um grásleppuna sem veidd verður á vertíðinni segir Pétur að henni sé landað heilli, og verðið sé með því skárra sem þeir hafi séð síðan byrjað var að landa henni heilli, eða um 270 krónur á kílóið. Til samanburðar hafi kílóverðið verið um 170 krónur fyrir tveimur árum.

„Það eru nokkur innlend fyrirtæki sem framleiða grásleppukavíar úr hrognunum, en síðan er fiskurinn sjálfur slægður og heilfrystur og seldur til Kína. Sá markaður opnaðist fyrir nokkrum árum og hefur verið nokkuð stöðugur, og hefur getað tekið við því magni sem er að koma. Mér fannst mikil bót í því að fá þann markað inn, því áður var fiskinum bara hent úti á sjó.“

Tveir eru í áhöfn á Særúnu að sögn Péturs, en þrír í áhöfn Sólrúnar hverju sinni, og fjórir sjómenn skipta þeim plássum með sér.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

22.4.19 Dagrún HU-121 Grásleppunet
Grásleppa 1.752 kg
Þorskur 335 kg
Skarkoli 28 kg
Steinbítur 18 kg
Rauðmagi 10 kg
Ýsa 9 kg
Samtals 2.152 kg
22.4.19 Kambur HU-024 Grásleppunet
Grásleppa 1.401 kg
Þorskur 121 kg
Skarkoli 21 kg
Rauðmagi 7 kg
Ýsa 4 kg
Samtals 1.554 kg
22.4.19 Lukka ÓF-057 Grásleppunet
Grásleppa 426 kg
Þorskur 14 kg
Samtals 440 kg

Skoða allar landanir »