Hafrannsóknastofnun leggur til að heildaraflamark í grásleppu á þessu fiskveiðiári fari ekki yfir 4.805 tonn. Í byrjun apríl í fyrra lagði stofnunin til að grásleppuafli á fiskveiðiárinu 2017/18 færi ekki yfir 5.487 tonn. Veiði vertíðarinnar endaði í um 4.487 tonnum.

Grásleppuveiðum er stýrt með sóknartakmörkunum. Árin 2011 og 2012 voru veiðar leyfðar í 50 samfellda daga, 32 daga árin 2013–2016 en dagarnir voru 46 og 44 árin 2017 og 2018. Fjöldi báta sem taka þátt í veiðunum er breytilegur frá ári til árs, m.a. vegna aðstæðna á mörkuðum grásleppuhrogna, og hefur það áhrif á heildarafla, segir á heimasíðu Hafrannsóknastofnunar. Árin 2005-2018 var fjöldi báta á grásleppuveiðum 144-369 á ári. Árið 2018 tóku 219 bátar þátt í þessum veiðum og fækkaði um 24 báta frá árinu á undan.

Að því gefnu að veiðum verði stýrt með sama fyrirkomulagi og verið hefur leggur Hafrannsóknastofnun til að útgefinn dagafjöldi taki mið af fjölda báta sem munu taka þátt í veiðunum. Jafnframt leggur stofnunin til að aukin áhersla verði lögð á skráningu meðafla og eftirlit með brottkasti við grásleppuveiðar.

Tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum

» Fleiri tengdar fréttir