Allir um borð náskyldir eða tengdir

Tæpast er að finna meiri fjölskyldutengsl í útgerð á landinu heldur en á dragnótabátnum Steinunni SH frá Ólafsvík.

Sjaldan hefur þurft að ráða í pláss um borð í Steinunni og hafi komið til þess hefur legið nokkuð ljóst fyrir hvert sækja ætti mannskapinn.

Níu manns eru í áhöfn Steinunnar og allir náskyldir eða tengdir; bræður, synir og tengdasonur. Útgerðin er byggð á grunni, sem Halldór Jónsson, afi bræðranna fimm sem eru í áhöfn, lagði á fjórða áratug síðustu aldar.