„Félagið má ekki við fíaskó-kosningum“

Heiðveig María Einarsdóttir er sjómaður og viðskiptalögfræðingur sem sóttist eftir ...
Heiðveig María Einarsdóttir er sjómaður og viðskiptalögfræðingur sem sóttist eftir formennsku í Sjómannafélaginu, nú inngöngu.

Heiðveig María Einarsdóttir segir í samtali við mbl.is ekki ljóst hvort hún bjóði sig aftir fram til formanns Sjómannafélags Íslands aftur, en félagið tilkynnti í dag að kosið verði að nýju í stjórn. „Við ætlum bara að hugsa það, það fer eftir framkvæmdinni,“ segir Heiðveig og bætir við að enn sé óljóst hver staða hennar sé gagnvart félaginu.

Hún segir jafnframt ljóst að hún og meðframbjóðendur hennar hyggist ekki taka þátt í kosningum nema framkvæmd þeirra sé hafin yfir allan vafa, óháð kjörstjórn annist kosningarnar og að þær verði rafrænar.

Sjómannafélag Íslands hefur greint frá því að félagið hefur ákveðið að halda nýjar kosningar til stjórnar og trúnaðarmannaráðs í þeim tilgangi „að hafið sé yfir vafa að frambjóðendur á listum stjórnar félagsins sitji í óumdeildu umboði félagsmanna.“

„Ég fagna að sjálfsögðu þessu. Ég geri bara ráð fyrir því að þeir séu að meina það að þeir vilji stjórn með óumdeilt umboð og fylgi því eftir með óháðum aðila sem annast kosningarnar,“ segir Heiðveig María.

Enn óviss um stöðu sína

Hún segist treysta því að það verði kosið á ný. „Hins vegar treysti ég því þegar ég sé að það verði gert með þeim hætti að þetta verði hafið yfir allan vafa. Félagið má bara ekkert við einhverjum fíaskó-kosningum eftir það sem undan er gengið.“

Ekki er boðlegt, að mati Heiðveigar Maríu, að fara í aðrar kosningar nema óháður aðili annist kosningarnar og að þær verði rafrænar.

Spurð segist hún hafa fengið yfirlýsingu félagsins senda áður áður en hún var birt. Hún kveðist hins vegar ekki hafa fengið svör frá stjórn félagsins um hver hennar staða sé gagnvart félaginu í kjölfar úrskurðar félagsdóms.

„Við höfum ítrekað óskað eftir því – bæði ég og lögmaðurinn minn við lögmann þeirra sem og starfandi gjaldkera félagsins – hver sé staða mín innan félagsins, en því hefur ekki verið svarað nema með þessari yfirlýsingu,“ segir hún.

mbl.is
Afurð Dags. Meðalverð
Þorskur, óslægður 17.5.19 283,01 kr/kg
Þorskur, slægður 17.5.19 345,93 kr/kg
Ýsa, óslægð 17.5.19 255,30 kr/kg
Ýsa, slægð 17.5.19 235,74 kr/kg
Ufsi, óslægður 17.5.19 102,73 kr/kg
Ufsi, slægður 17.5.19 145,66 kr/kg
Djúpkarfi 15.5.19 117,00 kr/kg
Gullkarfi 17.5.19 196,42 kr/kg
Litli karfi 15.5.19 0,00 kr/kg
Blálanga, óslægð 17.5.19 348,00 kr/kg

Fleiri tegundir »

19.5.19 Guðmundur Einarsson ÍS-155 Landbeitt lína
Þorskur 207 kg
Skarkoli 41 kg
Samtals 248 kg
18.5.19 Hafrafell SU-065 Lína
Þorskur 478 kg
Ýsa 85 kg
Keila 81 kg
Steinbítur 49 kg
Hlýri 12 kg
Karfi / Gullkarfi 2 kg
Samtals 707 kg
18.5.19 Vigur SF-080 Lína
Þorskur 319 kg
Steinbítur 274 kg
Keila 256 kg
Ýsa 218 kg
Langa 76 kg
Skata 68 kg
Ufsi 40 kg
Hlýri 22 kg
Samtals 1.273 kg

Skoða allar landanir »