Kosið á ný í stjórn Sjómannafélagsins

Reykjavíkurhöfn. Mynd úr safni.
Reykjavíkurhöfn. Mynd úr safni. mbl.is/Ómar

Kjósa á að nýju í stjórn Sjómannafélag Íslands. Sjómannafélagið greinir frá þessu á vef sínum og segir stjórn og trúnaðarmannaráð félagsins hafa ákveðið að kosið skuli að nýju „til að hafið sé yfir vafa að frambjóðendur á listum stjórnar félagsins sitji í óumdeildu umboði,“ að því er segir í yfirlýsingunni.

Stjórn og trúnaðarmannaráð félagsins séu þó engu að síður enn þeirra skoðunar að mótframboð B-listans hafi verið ólögmætt vegna annmarka sem á framboðinu voru.

Mbl.is hefur áður greint frá því að Heiðveig María Einarsdóttir hafði ætlað að gefa kost á sér til stjórnarsetu, en kjörstjórn komst að þeirri niðurstöðu að hún hefði ekki kjörgengi þar sem hún hefði ekki greitt félagsgjöld í þrjú ár samfellt. Aukinheldur var Heiðveigu vísað úr Sjómannafélaginu og hún sögð hafa valdið félaginu skaða.

Í yfirlýsingunni segir að með dómi Félagsdóms í máli Heiðveigar gegn Sjómannafélaginu hafi dómurinn komist að þeirri niðurstöðu að „óheimilt væri að gera það að skilyrði kjörgengis í félaginu að greidd hafi verið félagsgjöld til félagsins í a.m.k. þrjú ár.“

Í kjölfarið hafi verið skorað á félagið að boða á ný til kosninga til stjórnar, trúnaðarmannaráðs og stjórnar matsveinadeildar félagsins, en kosningar fóru fram í nóvember síðastliðinn.Það sé þó  mat  stjórnar, trúnaðarmannaráðs og lögmanna félagsins, að Heiðveig hafi ekki verið dæmd inn í Sjómannafélagið á ný með dóminum, auk þess sem hún hafi hafnað boði um að ganga aftur í félagið. 

„Þrátt fyrir að stjórn og trúnaðarmannaráð félagsins telji að úrskurður kjörstjórnar frá 20. nóvember síðastliðinn, um ólögmæti mótframboðs B-lista, standi óhaggaður, vegna annmarka sem á framboðinu voru, hefur stjórn og trúnaðarmannaráð félagsins ákveðið að fram fari á ný kosningar í félaginu, til að hafið sé yfir vafa að frambjóðendur á listum stjórnar félagsins sitji í óumdeildu umboði félagsmanna. Verður því boðað á ný til kosninga í stjórn, trúnaðarmannaráði og stjórn matsveinadeildar, til samræmis við lög félagsins og ákvörðun stjórnar og trúnaðarmannaráðs. Verður kosningin og framkvæmd hennar auglýst í fjölmiðlum og á heimasíðu félagsins við fyrsta tækifæri til samræmis við lög félagsins,“ segir í yfirlýsingunni.

mbl.is
Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 13.230 kg
Ufsi 2.791 kg
Þorskur 692 kg
Samtals 16.713 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 13.230 kg
Ufsi 2.791 kg
Þorskur 692 kg
Samtals 16.713 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »