Kraumuðu enn eldglæður í Æsi

Slökkviliðsmaður að störfum. Mynd úr safni.
Slökkviliðsmaður að störfum. Mynd úr safni. mbl.is/Árni Sæberg

Slökkviliðsmenn á Patrekfirði og Tálknafirði hafa lokið við að slökkva eld í fiskibátnum Æsi, sem eldur kom upp í í kvöld er báturinn var stadd­ur vest­ur af Flat­ey á Breiðafirði. Þrír voru um borð í bátnum þegar eldurinn kom upp.

Að sögn Davíðs Rúnars Gunnarssonar slökkviliðsstjóra kraumaði enn eldur í glæðum þegar Hafey kom með bátinn að bryggju á Brjánslæk. Eld­ur­inn var ekki sjáan­leg­ur er báturinn var í togi, en hann var hins vegar greini­leg­ur með hita­mynda­vél­um og því var ákveðið að kalla til slökkvilið staðarins.

Davíð Rúnar segir eldinn að mestu hafa verið slokknaðan og vel hafi gengið að slökkva rest. Einhverjar skemmdir urðu á bátnum vegna brunans, en ekki verður þó hægt að skoða umfang þeirra fyrr en á morgun.

Óvenjulegt annríki var hjá slökkviliðinu á staðnum þetta kvöld því annað útkall barst á sama tíma og verið var að slökkva í Æsi, en eldur hafði þá kviknað í ruslakari við grunnskólann á Bíldudal. Nokkur hætta stafaði af eldinum, þar sem ruslakarið stóð upp við vegg skólahússins. Slökkviliðsmenn á Bíldudal voru hins vegar snöggir á staðinn og náðu að draga karið burt og slökkva í því áður en tjón hlaust af.

mbl.is
Afurð Dags. Meðalverð
Þorskur, óslægður 21.5.19 304,95 kr/kg
Þorskur, slægður 21.5.19 360,29 kr/kg
Ýsa, óslægð 21.5.19 262,55 kr/kg
Ýsa, slægð 21.5.19 278,03 kr/kg
Ufsi, óslægður 21.5.19 105,44 kr/kg
Ufsi, slægður 21.5.19 164,30 kr/kg
Djúpkarfi 15.5.19 117,00 kr/kg
Gullkarfi 21.5.19 188,51 kr/kg
Litli karfi 15.5.19 0,00 kr/kg
Blálanga, óslægð 21.5.19 295,00 kr/kg

Fleiri tegundir »

21.5.19 Elli Jóns ÍS-083 Handfæri
Þorskur 299 kg
Ufsi 37 kg
Samtals 336 kg
21.5.19 Anna Karín SH-316 Grásleppunet
Grásleppa 586 kg
Samtals 586 kg
21.5.19 Hrefna ÍS-267 Landbeitt lína
Steinbítur 1.283 kg
Þorskur 1.030 kg
Skarkoli 300 kg
Ýsa 133 kg
Samtals 2.746 kg
21.5.19 Vala HF-005 Grásleppunet
Grásleppa 1.087 kg
Rauðmagi 19 kg
Þorskur 4 kg
Samtals 1.110 kg

Skoða allar landanir »