Mervyn King heimsótti HB Granda

Guðmundur Kristjánsson, forstjóri HB Granda, (t.v.) og Mervyn King um ...
Guðmundur Kristjánsson, forstjóri HB Granda, (t.v.) og Mervyn King um borð í Akurey RE.

Mervyn King, fyrrverandi bankastjóri Englandsbanka, heimsótti útgerðarfélagið HB Granda á dögunum. King mun vera hér á landi í heimsókn í boði Samtaka sparifjáreigenda og flutti hann erindi á þeirra vegum í Háskóla Íslands um hagstjórn á óvissutímum.

Guðmundur Kristjánsson, forstjóri HB Granda, tók á móti Mervyn og konu hans Barböru King á Norðurgarði, að því er fram kemur á vef HB Granda.

Bauð Guðmundur þeim um borð í Akurey RE, sem er einn nýrra ísfisktogara félagsins, auk þesss sem fiskvinnsla í landi var skoðuð. Mun það hafa vakið athygli King hversu vel félagið sé búið hátæknibúnaði bæði til veiða og vinnslu.

Guðmundur kynnti því næst fyrir gestum rekstur HB Granda, umhverfi íslenskra sjávarútvegsfyrirtækja, fiskveiðikerfið og sögu þess hvernig Íslendingar hafa nýtt auðlindir sjávar. Að því búnu var boðið til hádegisverðar þar sem rædd var sjálfbær nýting auðlinda, alþjóðleg efnahagsmál og þróun fjármálakerfisins, að því er segir á vef útgerðarinnar.

Mervyn King er einn af virtustu hagfræðingum samtímans. Hann varð aðalhagfræðingur Englandsbanka 1991 og bankastjóri frá 2003 til 2013. Hann var því á vaktinni þegar fjármálakerfi heimsins riðaði til falls veturinn 2008-2009 og var einn áhrifamesti seðlabankastjóri Evrópu þegar glímt var við afleiðingar kreppunnar. Frá því hann hætti sem bankastjóri hefur hann verið eftirsóttur fyrirlesari um allan heim.

mbl.is
Afurð Dags. Meðalverð
Þorskur, óslægður 23.5.19 305,11 kr/kg
Þorskur, slægður 23.5.19 349,55 kr/kg
Ýsa, óslægð 23.5.19 293,55 kr/kg
Ýsa, slægð 23.5.19 213,06 kr/kg
Ufsi, óslægður 23.5.19 93,31 kr/kg
Ufsi, slægður 23.5.19 139,24 kr/kg
Djúpkarfi 22.5.19 127,41 kr/kg
Gullkarfi 23.5.19 142,67 kr/kg
Litli karfi 22.5.19 0,00 kr/kg
Blálanga, óslægð 21.5.19 295,00 kr/kg

Fleiri tegundir »

23.5.19 Straumur SH-90 Grásleppunet
Grásleppa 182 kg
Samtals 182 kg
23.5.19 Hafey SK-010 Handfæri
Þorskur 698 kg
Samtals 698 kg
23.5.19 Húni BA-707 Grásleppunet
Grásleppa 1.453 kg
Samtals 1.453 kg
23.5.19 Garri BA-090 Handfæri
Þorskur 768 kg
Samtals 768 kg
23.5.19 Snjólfur SF-065 Handfæri
Þorskur 730 kg
Ufsi 262 kg
Keila 23 kg
Samtals 1.015 kg

Skoða allar landanir »