Nýju körin verða appelsínugul

Fyrstu tvö körin sem framleidd voru fyrir Berg-Huginn.
Fyrstu tvö körin sem framleidd voru fyrir Berg-Huginn. Ljósmynd/Reimar Viðarsson

Síldarvinnslan hefur skrifað undir samning við Sæplast um kaup á 3.500 nýjum fiskikörum, sem notuð verða um borð í nýjum skipum dótturfélagsins Bergs-Hugins, Vestmannaey VE og Bergey VE, sem nú eru í smíðum í Noregi.

Athygli vekur að litur karanna er appelsínugulur, en að því er fram kemur á vef útgerðarinnar hafði Sæplast áður framleitt 750 kör fyrir Gullver NS í þessum lit. Var ákveðið að þessu sinni að samræma litinn á körum í eigu Síldarvinnslunnar og dótturfélaga hennar.

„Við vildum finna lit sem gerði það að verkum að okkar kör skæru sig úr. Það vill gerast að okkar kör blandist við kör í annarra eigu og alltof algengt er að aðilar taki kör annarra til eigin nota. Þessi nýi litur mun vonandi gera okkur þægilegra að finna kör í okkar eigu aftur,“ segir Sigurður Steinn Einarsson, aðstoðarmaður framkvæmdastjóra Síldarvinnslunnar.

Auðveldari vinna með minni kör

„Einnig höfum við bætt við sérmerkingu á hlið karanna sem segir til um hvert skal skila körum ef þau lenda út fyrir okkar flutningskerfi. Við höfum unnið að vitundarvakningu varðandi það hvernig umgangast á fiskikör í góðu samstarfi við dótturfélag Sæplasts, iTub, og er það sameiginlegt verkefni sjávarútvegsfyrirtækja að tryggja góða meðferð á þessum umbúðum aflans.“

Byrjað var að framleiða körin á Dalvík í aprílmánuði og gert er ráð fyrir að framleiðslu ljúki í nóvember næstkomandi. Samningurinn hljóðar upp á rúmlega eitt hundrað milljónir króna.

Nýju körin verða 460 lítra en eldri kör eru 660 lítra. Ástæða þess að minni kör verða fyrir valinu er sögð einkum tvíþætt. Í fyrsta lagi séu gæði aflans höfð í huga og í öðru lagi sé auðveldara að vinna um borð í skipunum með minni kör.

Samninginn undirrituðu Arnar Richardsson fyrir hönd Bergs-Hugins, Sigurður Steinn Einarsson ...
Samninginn undirrituðu Arnar Richardsson fyrir hönd Bergs-Hugins, Sigurður Steinn Einarsson fyrir hönd Síldarvinnslunnar og Sævaldur Jens Gunnarsson fyrir hönd Sæplasts. Ljósmynd/Síldarvinnslan
mbl.is
Afurð Dags. Meðalverð
Þorskur, óslægður 23.5.19 301,19 kr/kg
Þorskur, slægður 23.5.19 347,94 kr/kg
Ýsa, óslægð 23.5.19 289,27 kr/kg
Ýsa, slægð 23.5.19 211,36 kr/kg
Ufsi, óslægður 23.5.19 95,21 kr/kg
Ufsi, slægður 23.5.19 139,04 kr/kg
Djúpkarfi 22.5.19 127,41 kr/kg
Gullkarfi 23.5.19 140,54 kr/kg
Litli karfi 22.5.19 0,00 kr/kg
Blálanga, óslægð 23.5.19 149,67 kr/kg

Fleiri tegundir »

24.5.19 Björgúlfur EA-312 Botnvarpa
Ufsi 18.148 kg
Djúpkarfi 3.015 kg
Ýsa 1.196 kg
Samtals 22.359 kg
23.5.19 Fúsi SH-600 Grásleppunet
Grásleppa 1.734 kg
Samtals 1.734 kg
23.5.19 Litlanes ÞH-003 Línutrekt
Þorskur 109 kg
Hlýri 57 kg
Karfi / Gullkarfi 54 kg
Keila 31 kg
Samtals 251 kg
23.5.19 Rakel ÍS-004 Grálúðunet
Grásleppa 129 kg
Samtals 129 kg

Skoða allar landanir »