Neyðarkall frá rækjutogara

Sóley Sigurjóns og TF-LIF.
Sóley Sigurjóns og TF-LIF. Mynd/Landhelgisgæslan

Stjórnstöð Landhelgisgæslunnar barst neyðarkall frá rækjutogaranum Sóleyju Sigurjóns GK-200 klukkan 21:12 vegna elds sem var laus í vélarrúmi skipsins.

Átta eru um borð en skipið er statt um 90 sjómílur norður af landinu. TF-LIF, þyrla Landhelgisgæslunnar, var þegar í stað kölluð út sem og varðskipið Týr, sem statt var við Húsavík, að því er segir í tilkynningu frá Gæslunni.

Þá var björgunarskipið Sigurvin, á vegum Slysavarnafélagsins Landsbjargar, kallað út frá Siglufirði með tvo slökkviliðsmenn um borð. Einnig var togarinn Múlaberg sem var í grenndinni beðinn um að halda á vettvang.

Áhöfnin á Sóleyju Sigurjóns ræsti slökkvikerfi í vélarrúmi skipsins en skipverjarnir átta eru komnir í björgunargalla, eru heilir á húfi og halda kyrru fyrir í brúnni. Samkvæmt upplýsingum frá skipverjunum virðist sem svo að allur eldur sé slokknaður en hins vegar er skipið vélarvana og þarfnast aðstoðar.

Gert er ráð fyrir að TF-LIF verði komin að rækjutogaranum um klukkan 23:50 en Múlabergið er einnig væntanlegt um svipað leyti. Áætlað er að varðskipið Týr verði komið að Sóleyju klukkan fjögur í nótt og björgunarskipið Sigurvin er væntanlegt um klukkustund síðar.

Uppfært kl. 00.13:

Að sögn Landhelgisgæslunnar er TF-LIF komin að rækjutogaranum, auk þess sem togarinn Múlaberg er kominn þangað.

Talið er að allur eldur hafi verið slökktur í togaranum. Allir mennirnir eru heilir á húfi en þeir eru enn um borð í bátnum.

Sóley Sigurjóns GK-200.
Sóley Sigurjóns GK-200. mbl.is/Sigurður Bogi
mbl.is
Afurð Dags. Meðalverð
Þorskur, óslægður 24.6.19 281,58 kr/kg
Þorskur, slægður 24.6.19 244,30 kr/kg
Ýsa, óslægð 24.6.19 278,92 kr/kg
Ýsa, slægð 24.6.19 103,00 kr/kg
Ufsi, óslægður 24.6.19 84,39 kr/kg
Ufsi, slægður 24.6.19 116,27 kr/kg
Djúpkarfi 21.6.19 0,00 kr/kg
Gullkarfi 24.6.19 175,42 kr/kg
Litli karfi 11.6.19 0,00 kr/kg
Blálanga, óslægð 24.6.19 297,00 kr/kg

Fleiri tegundir »

25.6.19 Bliki ÍS-414 Sjóstöng
Steinbítur 300 kg
Samtals 300 kg
25.6.19 Hafdís SI-131 Handfæri
Þorskur 67 kg
Ufsi 8 kg
Steinbítur 8 kg
Ýsa 3 kg
Samtals 86 kg
25.6.19 Ásdís ÓF-250 Handfæri
Þorskur 81 kg
Ufsi 38 kg
Ýsa 3 kg
Samtals 122 kg
25.6.19 Óskar ÞH-234 Handfæri
Þorskur 328 kg
Ufsi 16 kg
Karfi / Gullkarfi 7 kg
Samtals 351 kg

Skoða allar landanir »