„Við höldum í vonina“

Um borð í Víkingi AK á kolmunnaveiðum í færeyskri lögsögu. ...
Um borð í Víkingi AK á kolmunnaveiðum í færeyskri lögsögu. Mynd úr safni.

„Okkur vantar gott hol til að klára túrinn og við ættum svo að ná einum túr til viðbótar fyrir sjómannadaginn,“ segir Albert Sveinsson, skipstjóri á Víkingi AK.

Rólegt er yfir kolmunnaveiðunum að sögn Alberts.

„Það er ekki hægt að segja að það komi okkur beinlínis á óvart en menn voru að vona að hin góða veiði héldist eitthvað áfram,“ er haft eftir honum á vef HB Granda.

Er tal náðist af Alberti síðdegis í gær var Víkingur að toga sunnarlega í hinu svokallaða Ræsi, rúmar 50 mílur suðvestur af Færeyjum. Skipið var þá búið að vera í tæpa viku á miðunum og heildaraflinn kominn í rúmlega 2.100 tonn.

Jón Kjartansson á leiðinni

„Við höfum verið að toga lengi eða upp í einn sólarhring og við höfum verið að hífa um 300 tonn eftir þann tíma. Aflinn er reyndar minni í dag en við höldum í vonina. Kolmunninn er mjög dreifður og það er erfitt að eiga við hann fyrr en hann þéttir sig.“

Ekkert hefur heyrst af veiði suður undir alþjóðlega hafsvæðinu og svo virðist sem að kolmunninn sé genginn norðar.

„Það var norskt skip sem leitaði að kolmunna þarna suður frá en fann ekkert. Hann kom hingað í gær og er nú að toga norður Ræsið.“

Þrjú íslensk skip eru nú á veiðisvæðinu, eins og áður sagði. Auk Víkings eru þar Venus NS og Aðalsteinn Jónsson SU, en Jón Kjartansson SU er á leiðinni. Að auki er saman kominn nokkur fjöldi skipa, aðallega frá Rússlandi og Færeyjum. Venus er þá á sínu öðru holi.

mbl.is
Afurð Dags. Meðalverð
Þorskur, óslægður 25.6.19 331,39 kr/kg
Þorskur, slægður 25.6.19 303,44 kr/kg
Ýsa, óslægð 25.6.19 271,87 kr/kg
Ýsa, slægð 25.6.19 245,96 kr/kg
Ufsi, óslægður 25.6.19 83,97 kr/kg
Ufsi, slægður 25.6.19 124,08 kr/kg
Djúpkarfi 21.6.19 0,00 kr/kg
Gullkarfi 25.6.19 193,49 kr/kg
Litli karfi 25.6.19 5,00 kr/kg
Blálanga, óslægð 25.6.19 244,22 kr/kg

Fleiri tegundir »

25.6.19 Hafbjörg NS-016 Handfæri
Þorskur 776 kg
Ufsi 41 kg
Samtals 817 kg
25.6.19 Skálanes NS-045 Handfæri
Þorskur 1.083 kg
Ufsi 31 kg
Ýsa 11 kg
Karfi / Gullkarfi 1 kg
Samtals 1.126 kg
25.6.19 Dósi NS-009 Handfæri
Þorskur 675 kg
Ýsa 6 kg
Samtals 681 kg
25.6.19 Maggi Á Ósi NS-028 Handfæri
Þorskur 636 kg
Ýsa 4 kg
Samtals 640 kg

Skoða allar landanir »