Annað besta ár í sögunni

Hoffellið á loðnuveiðum.
Hoffellið á loðnuveiðum. Ljósmynd/Börkur Kjartansson

Síðasta ár var annað besta ár frá upphafi í rekstri Loðnuvinnslunnar á Fáskrúðsfirði, sé horft til veltufjár frá rekstri, sem var 1,5 milljarðar króna árið 2018, 88% meira en 2017.

Friðrik Mar Guðmundsson framkvæmdastjóri segir í samtali við Morgunblaðið að niðurstaðan sé vel viðunandi.

„Við vorum að vinna á mjög sterku gengi krónunnar fyrstu níu mánuði síðasta árs, en svo veiktist gengið síðustu þrjá mánuðina. Veltufé frá rekstri sýnir hvað reksturinn gefur raunverulega af sér, og sé horft til þess var árið 2018 annað besta árið í sögu fyrirtækisins.“

Hann segir að sé horft til síðustu fimm ára í rekstrinum hafi fyrirtækinu gengið ágætlega, en hagnaður hefur á þessum árum verið samtals 5,6 milljarðar króna og veltufé frá rekstri sjö milljarðar. Eigið féð hefur vaxið á sama tímabili úr tæpum þremur milljörðum í tæpa átta milljarða króna.

Íbúarnir vel settir með félagið

150 manns vinna hjá félaginu, sem er umsvifamikið í sveitarfélaginu, en á Fáskrúðsfirði búa 730 manns.

Stærsti eigandi félagsins er Kaupfélag Fáskrúðsfjarðar. „Þetta þýðir að Loðnuvinnslan er samfélagslega uppbyggð og kvótinn fer aldrei úr byggðarlaginu. Þegar okkur gengur vel getum við byggt hratt upp því við borgum lítinn arð út úr byggðarlaginu. Íbúar á Fáskrúðsfirði eru mjög vel settir að eiga þetta félag.“

Friðrik segir að endingu að félagið sé búið að byggja upp mjög tæknivædda bolfiskvinnslu, og fjárfesti til dæmis í tveimur vatnsskurðarvélum og öðrum búnaði fyrir tveimur árum sem hafa aukið afköst um 70% með sama mannskap.

Ítarlegri umfjöllun í Morgunblaðinu í dag.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 19.6.19 355,80 kr/kg
Þorskur, slægður 19.6.19 435,98 kr/kg
Ýsa, óslægð 19.6.19 505,47 kr/kg
Ýsa, slægð 19.6.19 314,36 kr/kg
Ufsi, óslægður 19.6.19 99,09 kr/kg
Ufsi, slægður 19.6.19 140,78 kr/kg
Djúpkarfi 22.5.19 127,41 kr/kg
Gullkarfi 19.6.19 228,61 kr/kg
Litli karfi 11.6.19 0,00 kr/kg
Blálanga, óslægð 19.6.19 289,63 kr/kg

Fleiri tegundir »

19.6.19 Sunna Rós SH-123 Grásleppunet
Grásleppa 3.408 kg
Samtals 3.408 kg
19.6.19 Ársæll Sigurðsson HF-080 Handfæri
Þorskur 795 kg
Ufsi 12 kg
Samtals 807 kg
19.6.19 Habbý ÍS-778 Handfæri
Þorskur 533 kg
Ufsi 289 kg
Samtals 822 kg
19.6.19 Sæli BA-333 Lína
Þorskur 303 kg
Langa 89 kg
Skarkoli 61 kg
Ufsi 38 kg
Samtals 491 kg

Skoða allar landanir »