Notkun svartolíu bönnuð í landhelgi Íslands

Skemmtiferðaskip í Sundahöfn. Reglugerðarbreytingarnar kveða á um að leyfilegt brennisteinsinnihald ...
Skemmtiferðaskip í Sundahöfn. Reglugerðarbreytingarnar kveða á um að leyfilegt brennisteinsinnihald í skipaeldsneyti sem notað er innan landhelgi Íslands og innsævis verður lækkað úr 3,5% niður í 0,1%. Mynd úr safni. mbl.is/Árni Sæberg

Umhverfis- og auðlindaráðuneytið óskar nú eftir umsögnum um drög að reglugerðarbreytingu sem bannar notkun svartolíu innan íslenskrar landhelgi. Auk tilætlaðs ávinnings fyrir loftslagið er breytingunni ætlað að stuðla að auknum loftgæðum við strendur Íslands og hvetja til notkunar á loftslagsvænni orkugjöfum á skipum, að því er segir í frétt á vef Stjórnarráðsins.

Fyrirhugað bann er m.a. liður í að framfylgja aðgerðaáætlun ríkisstjórnarinnar í loftslagsmálum, sem og stjórnarsáttmála, en frestur til að skila umsögnum um drögin er til 7. júní nk.

„Svartolía“ er samheiti yfir þungar og seigar olíur sem geta innihaldið hátt hlutfall brennisteins og er svartolía m.a. notuð í skipasiglingum. Hún mengar meira en annað eldsneyti og losar mikið af sóti út í andrúmsloftið er hún brennur. 

Reglugerðarbreytingarnar kveða á um að leyfilegt brennisteinsinnihald í skipaeldsneyti sem notað er innan landhelgi Íslands og innsævis verður lækkað úr 3,5% niður í 0,1% þann 1. janúar 2020.

Sama dag eiga að taka gildi breytingar innan mengunarlögsögunnar, en utan landhelginnar lækkar leyfilegt brennisteinsinnihald í skipaeldsneyti niður í 0,5%. Þess má geta að brennisteinsinnihald þeirrar svartolíu sem var markaðssett hér á landi árið 2017 var á bilinu 0,64-1,94%, en meðaltalið á heimsvísu, samkvæmt gögnum frá Alþjóðasiglingamálastofnuninni (IMO), var 2,59%.

mbl.is
Afurð Dags. Meðalverð
Þorskur, óslægður 25.6.19 331,39 kr/kg
Þorskur, slægður 25.6.19 303,44 kr/kg
Ýsa, óslægð 25.6.19 271,87 kr/kg
Ýsa, slægð 25.6.19 245,96 kr/kg
Ufsi, óslægður 25.6.19 83,97 kr/kg
Ufsi, slægður 25.6.19 124,08 kr/kg
Djúpkarfi 21.6.19 0,00 kr/kg
Gullkarfi 25.6.19 193,49 kr/kg
Litli karfi 25.6.19 5,00 kr/kg
Blálanga, óslægð 25.6.19 244,22 kr/kg

Fleiri tegundir »

25.6.19 Hafbjörg NS-016 Handfæri
Þorskur 776 kg
Ufsi 41 kg
Samtals 817 kg
25.6.19 Skálanes NS-045 Handfæri
Þorskur 1.083 kg
Ufsi 31 kg
Ýsa 11 kg
Karfi / Gullkarfi 1 kg
Samtals 1.126 kg
25.6.19 Dósi NS-009 Handfæri
Þorskur 675 kg
Ýsa 6 kg
Samtals 681 kg
25.6.19 Maggi Á Ósi NS-028 Handfæri
Þorskur 636 kg
Ýsa 4 kg
Samtals 640 kg

Skoða allar landanir »