Ætlar ekki að skila nýjum meðmælalista

Heiðveig og B-listinn bjóða sig nú aftur fram til stjórnar ...
Heiðveig og B-listinn bjóða sig nú aftur fram til stjórnar Sjómannafélagsins. mbl.is/Eggert

„Það liggur ljóst fyrir að við erum ekki að fara að safna þessum meðmælum aftur. Við höfum gert þeim grein fyrir því.“ Þetta segir Heiðveig María Einarsdóttir, sjómaður og viðskiptalögfræðingur, sem sækist eftir kjöri í stjórn Sjómannafélags Íslands. Óljóst er hvort framboðið hennar verður aftur dæmt ógilt, en kjörstjórn taldi framboð hennar ófullnægjandi og fór fram á lagfæringar og 100 nýjar undirskriftir.

Gaf kjörstjórnin frest til hádegis á morgun að verða við þessum kröfum. Heiðveig telur hins vegar um túlkunaratriði að ræða segir í samtali við mbl.is að framboðið hafi óskað eftir fundi á þriðjudaginn til að fara yfir málin, en fram að því verður nýjum undirskriftum ekki skilað. Sama dag mun kjörstjórn funda og taka ákvörðun um framhaldið.

Listi Heiðveigar býður nú aftur fram til stjórnar Sjómannafélagsins, eftir að boðað var til nýrra kosninga í kjölfar niðurstöðu félagsdóms fyrr á árinu. Heiðveig hafði upphaflega á síðasta ári boðið sig fram í félaginu, en það framboð hafði verið dæmt ógilt og henni vísað úr félaginu. Félagsdómur dæmdi henni hins vegar í hag og var í kjölfarið boðað aftur til kosninga. Nú er hins vegar kominn upp nýr hnútur, því kjörstjórn segir framboðið ófullnægjandi þar sem frambjóðendur séu ekki úr öllum starfsgreinum og endurspegli þar með ekki sjónarmið og áherslur allra félaga.

Heiðveig benti á í Facebook-færslu að um væri að ræða túlkunaratriði. Í samtali við mbl.is segist hún fara fram á að tveim af þremur úr kjörstjórn segi af sér, þeir Jónas Þór Jónasson og Guðmundur Hallvarðsson. Segir hún þá vanhæfa vegna aðkomu sinnar að því að reka sig úr félaginu í fyrra og dæma framboðið ógilt. Þá segir hún B-listann, sem hún stendur á bak við, einnig vilja mann í kjörstjórn. „Slíkt væri eðlilegt í öllum öðrum stéttarfélögum,“ segir hún.

Eftir að greint var frá kröfum kjörstjórnar á föstudaginn sendi Sjómannafélagið frá sér yfirlýsingu um að engin ákvörðun hefði verið tekin um lögmæti framboðsins. Hins vegar hefði verið farið fram á lagfæringar og B-lista gefinn kostur til mánudagsins 10. júní til að bæta úr annmörkum sem kjörstjórn telur vera á framboðinu. Þá segir að kjörstjórn muni hittast á þriðjudaginn og taka ákvörðun um lögmæti listans og byggja þá ákvörðun á lögum félagsins.

Heiðveig segir að Benóný Harðarson, starfsmaður VM og fulltrúi í kjörstjórn sem hlutlaus aðili, hafi hringt í hana á föstudaginn eftir að málið kom upp og sagt að hann vildi leysa hnútinn. Hún hafi óskað eftir að fulltrúi framboðsins myndi hitta kjörstjórnina á þriðjudaginn til að ræða málin, en sjálf er Heiðveig erlendis. Segir hún Benóný hafa tekið vel í þá hugmynd. Benóný segir í samtali við mbl.is að hann hafi sent erindið á þá Jónas og Guðmund, en að enn hafi ekkert verið ákveðið með mögulegan fund með framboðinu.

Spurður hvaða áhrif það hafi að framboðið muni ekki skila nýjum meðmælum fyrir hádegi á morgun sagðist Benóný ekkert geta svarað fyrir það að svo stöddu. Sagði hann menn munu reyna að vanda sig og ekki taka neina ákvörðun að óskoðuðu máli.

mbl.is

Bloggað um fréttina

Afurð Dags. Meðalverð
Þorskur, óslægður 19.7.19 309,67 kr/kg
Þorskur, slægður 19.7.19 364,97 kr/kg
Ýsa, óslægð 19.7.19 309,01 kr/kg
Ýsa, slægð 19.7.19 126,76 kr/kg
Ufsi, óslægður 19.7.19 108,88 kr/kg
Ufsi, slægður 19.7.19 144,08 kr/kg
Djúpkarfi 12.7.19 14,00 kr/kg
Gullkarfi 19.7.19 294,49 kr/kg
Litli karfi 25.6.19 5,00 kr/kg
Blálanga, óslægð 17.7.19 184,00 kr/kg

Fleiri tegundir »

20.7.19 Guðmundur Einarsson ÍS-155 Landbeitt lína
Þorskur 181 kg
Ýsa 120 kg
Skarkoli 105 kg
Samtals 406 kg
20.7.19 Digranes NS-124 Handfæri
Karfi / Gullkarfi 8 kg
Samtals 8 kg
20.7.19 Gísli Súrsson GK-008 Lína
Ýsa 894 kg
Þorskur 339 kg
Steinbítur 262 kg
Keila 46 kg
Karfi / Gullkarfi 19 kg
Hlýri 17 kg
Samtals 1.577 kg
20.7.19 Djúpey BA-151 Grásleppunet
Grásleppa 1.463 kg
Samtals 1.463 kg

Skoða allar landanir »