Samtök fyrirtækja í sjávarútvegi óska þess að afgreiðslu lagafrumvarps um starfsumhverfi fiskeldis sem nú er til annarrar umræðu á Alþingi verði frestað.

Þannig gefist færi til að endurskoða mikilvæga efnisþætti frumvarpsins og færa til betri vegar. Sú vinna gæti orðið til þess að skapa meiri sátt um fiskeldi, að því er segir í tilkynningu.

„Fram kom í ræðu framsögumanns atvinnuveganefndar á Alþingi að mikil eindrægni hefði verið í nefndinni um málið og tekist hefði að sætta þar ýmis sjónarmið. Þótt sögð hafi verið samstaða í nefndinni, eru það þó fyrirtækin í landinu sem þurfa að fylgja ákvæðum nýrra laga, þar er veruleikinn fyrir utan veggi Alþingis,“ segir í tilkynningunni.

Fram kemur að fiskeldi sé að verða veigamikil stoð í íslensku efnahagslífi og því mikilvægt að uppbygging þess verði í sátt við samfélag og umhverfi.

„Fyrirliggjandi frumvarp þrengir hins vegar mjög að rekstrarskilyrðum fiskeldisfyrirtækja og hamlar verulega þeirri uppbyggingu sem nauðsynleg er í atvinnugreininni svo hún geti til framtíðar skapað góð störf og skilað tekjum til samfélagsins. Margir þýðingarmiklir agnúar eru á frumvarpinu og um áhrif þeirra fást engin svör, hvorki frá ráðherra né þingmönnum.“

Tengdar fréttir

Fiskeldi

Bátur Arnarlax verður fyrsti sinnar tegundar

• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat
• Rekstrarleyfi endurnýjað þrátt fyrir andstöðu

» Fleiri tengdar fréttir

• Blogga um frétt