„Hangir enn á sömu rökleysunni“

„Þessi niðurstaða hangir enn á sömu rökleysunni sem á sér ekki stoð í lögum félagsins og við höfum óskað eftir fundi með kjörstjórn á morgun og vona ég að þeir verði við því,“ segir Heiðveig María Einarsdóttir, innt eftir viðbrögðum við úrskurði kjörstjórnar Sjómannafélags Íslands þess efnis að framboð B-lista hennar sé ógilt og A-listi því sjálfkjörinn í stjórn félagsins.

Frétt af mbl.is

A-listinn sjálfkjörinn í stjórn

Heiðveig segir að færa megi rök fyrir því að kjörstjórnin sé vanhæf. „Eins og við höfum áður bent á situr í þriggja manna kjörstjórn Guðmundur Hallvarðsson, sem við höfum fengið staðfest að er á sjálfkjörna listanum, og tilheyrir þar að auki engri starfsgrein innan félagsins.“

Frétt af mbl.is

Ætlar ekki að skila nýjum meðmælalista

Þannig sé A-listinn einnig ógildur, en fulltrúar B-listans hafa óskað eftir því að fá listann sendan. „Fulltrúar okkar funduðu með kjörstjórn í vikunni og fengu ekki að sjá þennan A-lista heldur. Það eru að sjálfsögðu ekki eðlileg vinnubrögð.“

Að líkindum annað dómsmál í uppsiglingu

„Það er miðað við kosningalög þegar okkur er gefinn þessi frestur til að lagfæra listann og þá hljóta almenn kosningalög að gilda um annað, eins og t.d. vanhæfi kjörstjórnar. Það má líka benda á það að formaður kjörstjórnar, Jónas Þór Jónasson, er lögmaðurinn sem var ráðgefandi og sótti málið gegn mér fyrir félagsdómi og öllum er kunnugt um að hann hafi tapað.“

Frétt af mbl.is

Sjómannafélagið braut lög

Heiðveig segir segir málinu engan veginn lokið og að fulltrúar B-listans séu búnir að bera úrskurðinn undir ráðgjafa sína og séu að meta næstu skref, en að öllum líkindum þurfi að skera úr um málið fyrir dómstólum enn á ný.

• Blogga um frétt