Fjörutíu metra fyrirstaða komin upp

Fyrirstöðuþrepið er um 40 metra langt.
Fyrirstöðuþrepið er um 40 metra langt. Ljósmynd/Hafrannsóknastofnun

Lokið hefur verið við gerð svokallaðs fyrirstöðuþreps neðarlega í Langadalsá við Ísafjarðardjúp. Þrepið, sem er um 40 metrar að lengd, er gert til þess að koma fyrir fiskteljara með myndavél til talningar og greiningar á göngufiski í ánni.

Er þrepið hluti af vöktun náttúrulegra veiðivatna í tengslum við uppbyggingu sjókvíaeldis, að því er fram kemur á vef Hafrannsóknastofnunar, en það er hannað af Vífli Oddssyni verkfræðingi á teiknistofunni Óðinstorgi ehf. í samráði við stofnunina.

Nýjum myndavélateljara frá Pentair/Vaka var komið fyrir í teljarastíflu í mannvirkinu og eru þrjú þrep neðan við teljarann til að auðvelda fiski uppgönguna, segir á vef hennar.

„Teljarinn telur göngufiska og tekur mynd af hverjum fiski sem á leið upp ána. Með þessum búnaði og út frá veiðitölum er ætlunin að meta heildarstofnstærð laxa í ánni. Fyrirhugað er að teljarinn verði í virkni á þeim tíma sem von er á gögnum laxfiska úr sjó eins langt fram eftir hausti sem von er á fiski og unnt er vegna aðstæðna.“

Fyrsti laxinn 103 sentimetrar að lengd

Með nýja búnaðinum verði mögulegt að tegundagreina og stærðarmæla einstaka fiska sem ganga í ána. Einnig verði hægt að greina ytri eldiseinkenni, svo sem eydda ugga, ef laxar sem sloppið hafa úr sjókvíaeldi ganga um teljarann. Þá er unnið að því að búa svo um hnútana að hægt verði að meta magn laxalúsa á fiskinum. 

Framkvæmdirnar voru fjármagnaðar af Umhverfissjóði sjókvíaeldis og fyrirtækið Vestfirskir Verktakar annaðist þær.

Fyrsti laxinn gekk um nýja teljarann á föstudag, en um var að ræða stórlaxahæng og var hann 103 sentimetrar að lengd.

Niðurstöður úr teljaranum eru aðgengilegar hér.

mbl.is
Afurð Dags. Meðalverð
Þorskur, óslægður 19.7.19 309,70 kr/kg
Þorskur, slægður 19.7.19 364,97 kr/kg
Ýsa, óslægð 19.7.19 312,51 kr/kg
Ýsa, slægð 19.7.19 126,76 kr/kg
Ufsi, óslægður 19.7.19 108,88 kr/kg
Ufsi, slægður 19.7.19 144,08 kr/kg
Djúpkarfi 12.7.19 14,00 kr/kg
Gullkarfi 19.7.19 286,64 kr/kg
Litli karfi 25.6.19 5,00 kr/kg
Blálanga, óslægð 17.7.19 184,00 kr/kg

Fleiri tegundir »

19.7.19 Daðey GK-777 Lína
Þorskur 3.925 kg
Ýsa 156 kg
Samtals 4.081 kg
19.7.19 Djúpey BA-151 Grásleppunet
Grásleppa 1.752 kg
Samtals 1.752 kg
19.7.19 Beta GK-036 Lína
Hlýri 51 kg
Keila 28 kg
Þorskur 23 kg
Karfi / Gullkarfi 6 kg
Grálúða / Svarta spraka 5 kg
Ýsa 3 kg
Samtals 116 kg
19.7.19 Sandfell SU-075 Lína
Hlýri 1.228 kg
Karfi / Gullkarfi 1.016 kg
Þorskur 235 kg
Keila 113 kg
Grálúða / Svarta spraka 5 kg
Samtals 2.597 kg

Skoða allar landanir »