Vísitala norsk-íslenskrar síldar lækkar

Húsakynni Hafrannsóknastofnunar, að Skúlagötu 4.
Húsakynni Hafrannsóknastofnunar, að Skúlagötu 4. mbl.is/Arnþór Birkisson

Vísitala norsk-íslenskrar síldar lækkar um þrjú prósent frá síðustu mælingum, samkvæmt niðurstöðum alþjóðlegs leiðangurs í Noregshafi og aðliggjandi hafsvæðum sem farinn var í maímánuði.

Á vef Hafrannsóknastofnunar kemur fram að útbreiðsla stofnsins hafi mælst svipuð og undanfarin ár. Um tvo þriðju hluta lífmassans hafi verið að finna suðvestantil í Noregshafi, það er í Austurdjúpi, en þriðjungur austar og norðar.

„Stærsta og elsta síldin hafði að öllu jöfnu gengið lengst í vestur en yngri síld var að finna austar og norðar,“ segir á vef stofnunarinnar. Heildarbergmálsvísitala fullorðinnar síldar hafi þá mælst 4,9 milljón tonn, sem feli í sér 3% lækkun frá árinu 2018 eins og áður sagði.

Vísitölur síðustu ára munu hafa sveiflast lítillega en heilt yfir eru þær sagðar sýna nokkuð stöðuga stofnstærð. Árgangurinn frá 2013 hafði mestan fjölda fiska og sömuleiðis mestan lífmassa, eða 24%.

Mikil óvissa með 2016-árganginn

Bent er á að vonir hafi verið bundnar við að 2016-árgangurinn kunni að vera stór. Umtalsvert fannst nú af þeim árgangi en óvíst er enn talið hvort hann sé að fullu genginn úr Barentshafi.

„Það er því enn þá mikil óvissa með stærð hans en fjöldavísitala árgangsins nú við þriggja ára aldur er svipuð og stóra árgangsins frá 2004 en lægri en 2013 árgangsins.“

Miðað við dreifingu stofnsins megi ætla að eldri hlutinn muni halda sig austur og norður af Íslandi í sumar líkt og undanfarin ár.

Niðurstöður síldarmælinganna verða meðal annars notaðar á fundi Alþjóðahafrannsóknaráðsins í lok ágúst, þar sem vinna við stofnstærðarmat og ráðgjöf uppsjávarfiskistofna mun fara fram.

mbl.is
Afurð Dags. Meðalverð
Þorskur, óslægður 19.7.19 309,70 kr/kg
Þorskur, slægður 19.7.19 364,97 kr/kg
Ýsa, óslægð 19.7.19 312,51 kr/kg
Ýsa, slægð 19.7.19 126,76 kr/kg
Ufsi, óslægður 19.7.19 108,88 kr/kg
Ufsi, slægður 19.7.19 144,08 kr/kg
Djúpkarfi 12.7.19 14,00 kr/kg
Gullkarfi 19.7.19 286,64 kr/kg
Litli karfi 25.6.19 5,00 kr/kg
Blálanga, óslægð 17.7.19 184,00 kr/kg

Fleiri tegundir »

19.7.19 Daðey GK-777 Lína
Þorskur 3.925 kg
Ýsa 156 kg
Samtals 4.081 kg
19.7.19 Djúpey BA-151 Grásleppunet
Grásleppa 1.752 kg
Samtals 1.752 kg
19.7.19 Beta GK-036 Lína
Hlýri 51 kg
Keila 28 kg
Þorskur 23 kg
Karfi / Gullkarfi 6 kg
Grálúða / Svarta spraka 5 kg
Ýsa 3 kg
Samtals 116 kg
19.7.19 Sandfell SU-075 Lína
Hlýri 1.228 kg
Karfi / Gullkarfi 1.016 kg
Þorskur 235 kg
Keila 113 kg
Grálúða / Svarta spraka 5 kg
Samtals 2.597 kg

Skoða allar landanir »