Bátur strandar í Súgandafirði

Björgunarsveit á Suðureyri var kölluð út um hálffimmleytið í dag vegna báts sem sigldi í strand utarlega í Súgandafirði. Engin slys urðu þó á fólki að því er fram kemur í tilkynningu frá Landsbjörg.

Gat kom á skrokk bátsins og var björgunarbátur kominn á staðinn skömmu eftir strandið. Verið að koma dælum um borð í bátinn frá landi, en ekki verður reynt að draga hann af strandstað að sinni, þar sem fjarað hefur undan honum.

Verður því beðið eftir hagstæðari sjávarföllum með frekari björgunaraðgerðir.

• Blogga um frétt