Met slegið hjá HB Granda

Örfirisey kemur til hafnar í Reykjavík.
Örfirisey kemur til hafnar í Reykjavík. mbl.is/Hafþór Hreiðarsson

„Við vorum með alls rúmlega 1.500 tonna afla upp úr sjó í túrnum og þar af voru um 1.400 tonn í rússnesku landhelginni. Við kláruðum kvótann þar og eftir siglinguna heim til Íslands vorum við að veiðum djúpt úti af Vestfjörðum,“ segir Ævar Jóhannsson, skipstjóri á frystitogaranum Örfirisey RE.

Skipið kom heim fyrir helgina eftir mjög vel heppnaða veiðiferð í Barentshafi og segist Ævar telja að um sé að ræða met hjá HB Granda í aflabrögðum.

„Markmiðið var að veiða grálúðu en veiðin var að fjara út þegar við komum heim. Aflinn var því minni en ella,“ segir Ævar.

Siglingin til og frá miðunum tók um ellefu sólarhringa en þess utan var vinnslan í gangi allan sólarhringinn. Mikið reyndi á áhöfnina og segir Ævar að skipverjar hafi staðið sig með fádæmum vel.

Man ekki eftir jafn mörgum tegundum

Aflinn í Barentshafi var aðallega þorskur.

„Við vorum þó með um hundrað tonn af ýsu, einhverja tugi tonna af ufsa en allt annað var nánast í sýnishornaformi. Þegar veiðunum þessa síðustu daga í íslensku landhelginni er bætt við þá náðum við alls að veiða tuttugu mismunandi fisktegundir. Ég man ekki eftir að hafa verið með jafnmargar tegundir í túr,“ segir Ævar.

„Meðal annars lönduðum við nokkrum kössum af fisknum gjölni en hann var hausaður og heilfrystur um borð. Þetta er afskaplega hvítur fiskur á holdið en frekar bragðlítill. Ég get vitnað um það eftir að hafa borðað gjölni.“

Örfirisey RE er aftur farin til veiða og er Símon Jónsson nú með skipið.

„Fram undan eru túrar á heimamiðum þar sem reynt verður að ljúka við kvóta ársins. Mér skilst að það eigi að leggja áherslu á ýsuveiðar til að byrja með og svo sjáum við hvernig þetta þróast.“

mbl.is
Afurð Dags. Meðalverð
Þorskur, óslægður 16.8.19 343,76 kr/kg
Þorskur, slægður 16.8.19 285,29 kr/kg
Ýsa, óslægð 16.8.19 232,65 kr/kg
Ýsa, slægð 16.8.19 251,33 kr/kg
Ufsi, óslægður 16.8.19 98,01 kr/kg
Ufsi, slægður 16.8.19 138,45 kr/kg
Djúpkarfi 8.8.19 204,00 kr/kg
Gullkarfi 16.8.19 197,68 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

18.8.19 Hlökk ST-066 Landbeitt lína
Ýsa 2.058 kg
Þorskur 957 kg
Steinbítur 70 kg
Lýsa 33 kg
Samtals 3.118 kg
18.8.19 Einar Guðnason ÍS-303 Lína
Þorskur 2.935 kg
Ýsa 1.051 kg
Steinbítur 598 kg
Langa 85 kg
Skarkoli 45 kg
Samtals 4.714 kg
18.8.19 Steinunn SF-010 Botnvarpa
Ýsa 51 kg
Grásleppa 28 kg
Langa 23 kg
Keila 8 kg
Lúða 6 kg
Þorskur 4 kg
Steinbítur 4 kg
Skarkoli 2 kg
Karfi / Gullkarfi 2 kg
Samtals 128 kg

Skoða allar landanir »