31 þúsund tonn í sérstakar aðgerðir

Kristján Þór segir að úthluta megi þessum verðmætum með öðrum ...
Kristján Þór segir að úthluta megi þessum verðmætum með öðrum og betri hætti. mbl.is/Kristinn Magnússon

Kristján Þór Júlíusson, sjávarútvegs- og landbúnaðarráðherra, hefur ráðstafað rúmlega 31 þúsund tonnum til sérstakra aðgerða í fiskveiðistjórnunarkerfinu eða samtals 23.316 þorskígildistonnum.

Þetta kemur fram í tilkynningu frá stjórnarráðinu.

Segir þar að um árlega úthlutun sé að ræða sem byggi á lögum um stjórn fiskveiða en samkvæmt þeim sé 5,3% af heildarafla í hverri fisktegund dregið af leyfilegum heildarafla til að mæta áföllum, til stuðnings byggðalögum, línuívilnun, strandveiðum, rækju- og skelbótum, frístundaveiðum og til annarra tímabundinna ráðstafana til að auka byggðafestu.

Megi úthluta með öðrum og betri hætti

Kristján Þór segir að stjórnvöld séu með þessari úthlutun að ráðstafa þeim aflaheimildum sem þau fari með forræði yfir.

„Ég er þeirrar skoðunar að þessum miklu verðmætum megi úthluta með öðrum og betri hætti en nú er gert. Því skipaði ég í maí síðastliðnum starfshóp til að endurskoða núgildandi kerfi og vænti ég þess að hópurinn ljúki störfum í nóvember. Ég bind vonir við að afrakstur þeirrar vinnu megi nýta til að úthluta þessum verðmætum með betri og markvissari hætti en nú er.“

Leyfilegur heildarafli er minni en á síðasta fiskveiðiári, en fyrir fiskveiðiárið 2018/2019 var úthlutunin 32.380 af tonnum upp úr sjó eða alls 25.456 þorskígildistonnum. Ástæður fyrir því eru sagðar þær að þrátt fyrir að þorskstofninn sé sterkari en á liðnu fiskveiðiári hafi margar minni tegundir lækkað.

Einnig hafi það áhrif að heildarafli ýsu sé 28% minni en á síðasta fiskveiðiári.

mbl.is
Afurð Dags. Meðalverð
Þorskur, óslægður 20.8.19 382,27 kr/kg
Þorskur, slægður 20.8.19 401,44 kr/kg
Ýsa, óslægð 20.8.19 254,83 kr/kg
Ýsa, slægð 20.8.19 225,42 kr/kg
Ufsi, óslægður 20.8.19 123,55 kr/kg
Ufsi, slægður 20.8.19 150,69 kr/kg
Djúpkarfi 8.8.19 204,00 kr/kg
Gullkarfi 20.8.19 202,93 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

20.8.19 Benni Vagn ÍS-220 Handfæri
Þorskur 199 kg
Ufsi 123 kg
Samtals 322 kg
20.8.19 Mundi ÍS-097 Handfæri
Þorskur 780 kg
Ufsi 85 kg
Samtals 865 kg
20.8.19 Stefán ÍS-140 Handfæri
Þorskur 741 kg
Samtals 741 kg
20.8.19 Vesturborg ÍS-320 Línutrekt
Þorskur 841 kg
Ýsa 790 kg
Steinbítur 390 kg
Skarkoli 71 kg
Ufsi 4 kg
Samtals 2.096 kg

Skoða allar landanir »