Horfurnar góðar fyrir hvítfiskinn

Skipverjar á Sólbaki EA gera að þorski. Búast má við ...
Skipverjar á Sólbaki EA gera að þorski. Búast má við háu þorskverði næstu misseri. mbl.is/Þorgeir Baldursson

Heilt á litið hefur þróun sölumagns og verðs verið í rétta átt fyrir íslenskan þorsk, ýsu og ufsa. Þetta segir Anna Björk Theodórsdóttir, framkvæmdastjóri Sea Data Center. Samsetning útflutningsins virðist þó vera að taka breytingum og orðið aukning í útflutningi á heilum fiski til verkunar á svæðum þar sem launakostnaður er lægri.

„Þorskverð hefur verið nokkuð hátt á heimsmarkaði og skýrist ekki síst af skertum veiðum í Barentshafi. Sjáum við hækkunina koma fram í 6% hærra verði fyrir íslenskar þorskafurðir á fyrstu fimm mánuðum þessa árs en sama tímabil í fyrra.“

BNA og Bretland á uppleið

Hækkandi verð virðist hafa valdið því að spænskir kaupendur halda að sér höndum. „Spænski markaðurinn er sá stærsti fyrir þorskafurðir en þar mælist samdrátturinn í sölu 25% á milli ára, miðað við fyrstu fimm mánuði þessa árs og umreiknað í heilan fisk, en á sama tíma hækkaði verð á léttsöltuðum frystum þorskflökum um 8%.“

Á móti kemur að breski markaðurinn hefur tekið við sér á ný, en Bretland er næststærsti kaupandi íslenskra þorskafurða. „Þar sjáum við 5% aukningu milli ára í sölu á sjófrystum flökum og 30% aukningu í heilum ferskum fiski sem er fullverkaður í breskum fiskvinnslum. Væri líklegasta skýringin á viðbrögðum breska markaðarins að krónan hefur verið að gefa eftir á sama tíma og framleiðslukostnaður á Íslandi er hlutfallslega hár.“

Þá hefur sala á þorski til Bandaríkjanna líka tekið kipp og mælist aukningin í kringum 25% á milli ára. Anna Björk segir mögulegt að þær tölur sem tiltækar eru í dag endurpsegli ekki að fullu hugsanleg áhrif gjaldþrots WOW air á framboð á beinu fragtflugi inn á Bandaríkjamarkað en helsta skýringin á góðum árangri vestanhafs virðist vera öflugt markaðs- og sölustarf íslenskra útflytjenda, og nefnir hún Niceland í því sambandi.

„Og verðið á Bandaríkjamarkaði er mjög gott á sama tíma. Þar var meðalverðið á ferskum þorski í kringum 8,66 evrur á kílóið á síðasta ári, 9,90 evrur fyrstu mánuði þessa árs og er núna komið yfir 10 evrur,“ segir Anna Björk og bætir við að það berist líka góðar fréttir frá Frakklandsmarkaði með 4% aukningu í magni þorskhnakka á milli ára og 13% verðhækkun.

Ítarlegri umfjöllun má finna í ViðskiptaMogganum, sem fylgdi Morgunblaðinu á miðvikudag.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 16.8.19 343,76 kr/kg
Þorskur, slægður 16.8.19 285,29 kr/kg
Ýsa, óslægð 16.8.19 232,65 kr/kg
Ýsa, slægð 16.8.19 251,33 kr/kg
Ufsi, óslægður 16.8.19 98,01 kr/kg
Ufsi, slægður 16.8.19 138,45 kr/kg
Djúpkarfi 8.8.19 204,00 kr/kg
Gullkarfi 16.8.19 197,68 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

18.8.19 Hlökk ST-066 Landbeitt lína
Ýsa 2.058 kg
Þorskur 957 kg
Steinbítur 70 kg
Lýsa 33 kg
Samtals 3.118 kg
18.8.19 Einar Guðnason ÍS-303 Lína
Þorskur 2.935 kg
Ýsa 1.051 kg
Steinbítur 598 kg
Langa 85 kg
Skarkoli 45 kg
Samtals 4.714 kg
18.8.19 Steinunn SF-010 Botnvarpa
Ýsa 51 kg
Grásleppa 28 kg
Langa 23 kg
Keila 8 kg
Lúða 6 kg
Þorskur 4 kg
Steinbítur 4 kg
Skarkoli 2 kg
Karfi / Gullkarfi 2 kg
Samtals 128 kg

Skoða allar landanir »