Orlik að sökkva í Njarðvíkurhöfn

Rússneski togarinn Orlik við bryggju í Njarðvíkurhöfn. Mynd úr safni.
Rússneski togarinn Orlik við bryggju í Njarðvíkurhöfn. Mynd úr safni. mbl.is/Hilmar Bragi Bárðarson

Björgunaraðgerðir standa nú yfir í Njarðvíkurhöfn þar sem togarinn Orlik er að sökkva við bryggju. Frá þessu er greint á vef Víkurfrétta, sem segja þess hafa orðið vart á tíunda tímanum í gærkvöldi að mikill leki var kominn að skipinu.

Orlik, sem er rússneskur togari, hefur legið við bundinn við bryggju í Njarðvík í ein fimm ár og var ástand skipsins orðið hættulegt og ryðgöt komin á skrokk þess. Mbl.is hefur eftir vaktmanni í Njarðvíkurhöfn nú á níunda tímanum að búið sé að finna gatið og verið sé að rétta skipið af.

Víkurfréttir segja Sigurð Stefánsson hjá Köfunarþjónustu Sigurðar hafa fyrstan orðið varan við að skipið væri að sökkva, en Köfunarþjónustan hefur haft eftirlit með skipinu og er aðstæður voru kannaðar um borð í síðustu viku hafi allt verið með felldu.

Þegar í ljós kom að skipið var að sökkva var mannskapur fenginn í björgunaraðgerðir.  Voru starfsmenn Reykjaneshafnar kallaðir til, auk þess sem mengunarvarnabúnaður var fenginn frá Faxaflóahöfnum.

Dælum var svo komið um borð í skipið og um tvöleytið í nótt var dælingin byrjuð að skila árangri og skipið hætt að síga.

Þetta er ekki í fyrsta skipti sem leki kemur upp í Orlik, en greint var frá því fyrir tveimur árum að sjór flæddi inn í skipið. Þá stóð til að senda skipið til Evr­ópu þar sem rífa átti það í brota­járn, sjóferðaleyfi fékkst þó aldrei fyrir skipið vegna ástands þess.

mbl.is
Afurð Dags. Meðalverð
Þorskur, óslægður 20.8.19 382,27 kr/kg
Þorskur, slægður 20.8.19 401,44 kr/kg
Ýsa, óslægð 20.8.19 254,83 kr/kg
Ýsa, slægð 20.8.19 225,42 kr/kg
Ufsi, óslægður 20.8.19 123,55 kr/kg
Ufsi, slægður 20.8.19 150,69 kr/kg
Djúpkarfi 8.8.19 204,00 kr/kg
Gullkarfi 20.8.19 202,93 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

20.8.19 Benni Vagn ÍS-220 Handfæri
Þorskur 199 kg
Ufsi 123 kg
Samtals 322 kg
20.8.19 Mundi ÍS-097 Handfæri
Þorskur 780 kg
Ufsi 85 kg
Samtals 865 kg
20.8.19 Stefán ÍS-140 Handfæri
Þorskur 741 kg
Samtals 741 kg
20.8.19 Vesturborg ÍS-320 Línutrekt
Þorskur 841 kg
Ýsa 790 kg
Steinbítur 390 kg
Skarkoli 71 kg
Ufsi 4 kg
Samtals 2.096 kg

Skoða allar landanir »