Sáu lekann fyrir

Orlik hefur legið óhreyfður í Njarðvíkurhöfn í fimm ár.
Orlik hefur legið óhreyfður í Njarðvíkurhöfn í fimm ár. Ljósmynd/Hilmar Bragi

Þetta sýnir að mat okkar á ástandi skipsins var hárrétt og hefði ekki mátt bíða lengur,“ segir Halldór Karl Hermannsson, hafnarstjóri Reykjaneshafna. Orlik, rússneskur togari í Njarðvíkurhöfn, var hætt kominn í nótt er gat kom á hann og sjór flæddi inn.

„Við tókum eftir því fyrir um tíu dögum að ryðgöt voru í gömlu sjólínunni og gerðum strax ráð fyrir að þetta væri ekki eini staðurinn,“ segir Halldór. Ljóst væri að rífa þyrfti skipið sem fyrst áður en það sykki.

Halldór segir því að óskað hafi verið eftir neyðarfundi með Umhverfisstofnun, þar sem sérstaka heimild hennar þarf til að rífa öll skip yfir 500 brúttótonn, en umræddur togari er 1.800 brúttótonn. Að undangegnum fundi með fulltrúum Umhverfisstofnunar og Heilbrigðiseftirlits Suðurnesja hafi heimild fengist síðasta föstudag til að rífa skipið í Njarðvíkurslippi og stendur til að gera það sem fyrst.

Það hafi því reynst ágætisstaðfesting á mati hafnaryfirvalda þegar skipið tók að leka í gærkvöldi. Sigurður Stefánsson hjá Köfunarþjónustu Sigurðar kom fyrstur auga á lekann um klukkan tíu í gærkvöldi. „Ég sá bara úr fjarska hvað hann hallaði mikið, og stökk um borð,“ segir Sigurður, en hann sinnir eftirliti með skipinu fyrir hönd eigandans, Hringrásar.

Mikill sjór reyndist í vélarrúmi skipsins og hóaði Sigurður saman mannskap, aðallega eigin starfsmönnum, til að dæla úr skipinu. Undir morgun tókst að staðsetja gatið og fylla upp í og er nú unnið að því að hreinsa þann sjó sem eftir er, og koma stöðugleika á skipið.

Þetta er í annað sinn sem Sigurður bjargar skipinu því svipað atvik kom upp fyrir tveimur árum. Þá stóð einnig til að rífa skipið en ekkert gerðist. Eftir að Umhverfisstofnun veitti leyfi sitt nú, ættu hlutirnir þó að ganga hraðar fyrir sig.

mbl.is
Afurð Dags. Meðalverð
Þorskur, óslægður 21.8.19 358,88 kr/kg
Þorskur, slægður 21.8.19 378,51 kr/kg
Ýsa, óslægð 21.8.19 254,72 kr/kg
Ýsa, slægð 21.8.19 283,99 kr/kg
Ufsi, óslægður 21.8.19 111,60 kr/kg
Ufsi, slægður 21.8.19 143,67 kr/kg
Djúpkarfi 8.8.19 204,00 kr/kg
Gullkarfi 21.8.19 216,92 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

21.8.19 Hafdís HU-085 Handfæri
Þorskur 450 kg
Karfi / Gullkarfi 14 kg
Ufsi 13 kg
Samtals 477 kg
21.8.19 Steini Jóns BA-002 Handfæri
Þorskur 353 kg
Samtals 353 kg
21.8.19 Elín ÞH-082 Handfæri
Þorskur 514 kg
Karfi / Gullkarfi 24 kg
Ufsi 11 kg
Ýsa 2 kg
Samtals 551 kg
21.8.19 Dóri GK-042 Lína
Keila 68 kg
Hlýri 60 kg
Þorskur 55 kg
Karfi / Gullkarfi 30 kg
Samtals 213 kg

Skoða allar landanir »