Reyna að bjarga grindhvölum við Ólafsvík

Hópur fólks reyndi í kvöld að koma grindhval til bjargar ...
Hópur fólks reyndi í kvöld að koma grindhval til bjargar sem rak á land í fjörunni við Ólafsvík. mbl.is/Alfons

Fjóra hvali rak á land í fjöru við Ólafsvík í kvöld. Stærðarinnar grindhvalavaða, sem telur líklega um hundrað hvali, er á sveimi um 100-200 metra frá ströndinni. Þrír hvalanna sem rak á land náðu að komast af sjálfsdáðum aftur á haf út en einn virðist vera að drepast í flæðarmálinu. 

Kristinn Jónasson, bæjarstjóri í Snæfellsbæ, var í fjörunni í kvöld. „Það er voða lítið hægt að gera held ég, það er töluverður vindur. Hvalurinn veltist bara undan bárunni og nær ekki að koma sér út. Það sem er kannski mesta ógnin er að vaðan virðist alltaf færast nær landi,“ segir Kristinn í samtali við mbl.is. 

Hópur fólks hefur reynt að bjarga hvalnum um tíma, en ekki haft erindi sem erfiði. Fréttaritari mbl.is á Vesturlandi telur að um erlenda ferðamenn sé að ræða. 

Grind­hvala­vöður hafa leitað nærri strönd­um Íslands á Suðvest­ur- og Vest­ur­landi í aukn­um mæli upp á síðkastið en á milli 50 og 60 hval­ir strönduðu í fjör­unni við Útskála­kirkju í Garði í byrjun mánaðarins. 

Grindhvalavöður hafa sést í grennd við Ólafsvík í sumar. „Fyrir þremur vikum var ein úti í Rifi, um 150 talsins, og þá komu menn á sæþotum og ráku þá út,“ segir Kristinn. 

Viðbragðsaðilar hafa ekki verið kallaðir út vegna vöðunnar, enn sem komið er.

Fjóra hvali rak á land en þrír þeirra náðu að ...
Fjóra hvali rak á land en þrír þeirra náðu að komast á haf út af sjálfsdáðum. mbl.is/Alfons
Stærðarinnar grindhvalavaða er á sveimi við ströndina í Ólafsvík og ...
Stærðarinnar grindhvalavaða er á sveimi við ströndina í Ólafsvík og færist sífellt nær landi að sögn sjónarvotta. mbl.is/Alfons
mbl.is
Afurð Dags. Meðalverð
Þorskur, óslægður 16.8.19 343,76 kr/kg
Þorskur, slægður 16.8.19 285,29 kr/kg
Ýsa, óslægð 16.8.19 231,67 kr/kg
Ýsa, slægð 16.8.19 251,33 kr/kg
Ufsi, óslægður 16.8.19 98,01 kr/kg
Ufsi, slægður 16.8.19 138,45 kr/kg
Djúpkarfi 8.8.19 204,00 kr/kg
Gullkarfi 16.8.19 197,68 kr/kg
Litli karfi 15.8.19 0,00 kr/kg
Blálanga, óslægð 8.8.19 300,00 kr/kg

Fleiri tegundir »

18.8.19 Otur Ii ÍS-173 Landbeitt lína
Þorskur 1.464 kg
Ýsa 536 kg
Steinbítur 59 kg
Langa 39 kg
Karfi / Gullkarfi 11 kg
Samtals 2.109 kg
18.8.19 Bergey VE-544 Botnvarpa
Karfi / Gullkarfi 28.225 kg
Djúpkarfi 1.165 kg
Samtals 29.390 kg
18.8.19 Einar Hálfdáns ÍS-011 Landbeitt lína
Þorskur 1.289 kg
Ýsa 905 kg
Steinbítur 47 kg
Ufsi 4 kg
Skarkoli 2 kg
Samtals 2.247 kg

Skoða allar landanir »