Þurfa að veiða fleira en ýsuna

Skuttogararnir Bergey VE og Smáey VE landa fullfermi í Vestmannaeyjum í dag en á þessum árstíma hafa skip Bergs-Hugins oft fiskað drjúgt af ýsu. Aflinn var að mestu ýsa hjá Bergey en einnig djúpkarfi og afli Smáeyjar ýsa og ufsi.

Fram kemur á vefsíðu Síldarvinnslunnar að vissulega sé auðvelt fyrir skipin að veiða ýsuna um þessar mundir en í lok kvótaárs þurfi hins vegar að hyggja að fleiri tegundum.

Haft er eftir Arnari Richardssyni rekstrarstjóra að góð ýsuveiði hafi verið hjá báðum skipunum fyrsta sólarhring veiðiferðarinnar, en aflinn hins vegar varð tregari þegar farið hafi verið að forðast ýsuna og leita eftir öðrum tegundum.

• Blogga um frétt