„Höfum verulegar efasemdir“

Gildi er fjórði stærsti hluthafi með 8,51% eignarhlut.
Gildi er fjórði stærsti hluthafi með 8,51% eignarhlut. mbl.is/Kristinn Magnússon

„Þessi viðskipti HB Granda við stærsta hluthafa félagsins eru óheppileg að okkar mati og vekja áleitnar spurningar. Það vekur athygli okkar hversu stóran hluta í HB Granda er lagt upp með að verja í þessa fjárfestingu og hversu skamman tíma stjórn félagsins tók sér til að taka ákvörðun um viðskiptin.“

Þetta segir Davíð Rúdólfsson, forstöðumaður eignastýringar og staðgengill framkvæmdastjóra Gildis, í skriflegu svari við fyrirspurn 200 mílna í kjölfar þess að lífeyrissjóðurinn tilkynnti að hann hygðist greiða atkvæði gegn tillögu um kaup HB Granda á sölufélögum í eigu Útgerðarfélags Reykjavíkur á hluthafafundi sem fara mun fram á morgun.

Hvorki sýnt fram á að viðskiptin séu hagfelld né nauðsynleg

„Við höfum verulegar efasemdir um þörfina fyrir þessum viðskiptum yfir höfuð sem og hvort þetta sé þá eina og hagkvæmasta leiðin fyrir HB Granda að því marki. Að okkar mati hefur stjórn HB Granda hvorki tekist að sýna fram á að þessi viðskipti séu hagfelld né nauðsynleg fyrir félagið,“ skrifar Davíð.

Í tilkynningu á vef Gildis í gær kom fram að sjóðurinn telji kaupin vera ótrúverðug og að viðskipti milli tengdra félaga þurfi að vera hafin yfir vafa. Útgerðarfélag Reykjavíkur er stærsti hluthafi HB Granda með 35,01% eignarhlut.

Fyrirhuguð kaup HB Granda snúa að öllu hlutafé í sölufélögum í Japan, Hong Kong og á meginlandi Kína auk þjónustufélags á Íslandi. Fram kemur á vef Gildis að umsamið kaupverð sé 4,4 milljarðar króna og að greitt verði með útgáfu nýrra hlutabréfa sem samsvarar 7,3% aukningu hlutafjár í félaginu, sem myndi efla eignastöðu Útgerðarfélags Reykjavíkur.

Lífeyrissjóður verzlunarmanna ekki tekið afstöðu til kaupanna

„Það er ekki búið að taka afstöðu ennþá, það er verið að afla upplýsinga og það verður ekki endanlega fyrr en búið er að afla allra fáanlegra upplýsinga og komið er að atkvæðagreiðslu að þetta verður ljóst. Við gefum ekkert út fyrir það,“ svarar Þórhallur B. Jósepsson, almannatengill Lífeyrissjóðs verzlunarmanna, spurður um afstöðu sjóðsins til kaupanna.

Ítarlegri umfjöllun er í ViðskiptaMogganum, sem fylgdi Morgunblaðinu í dag.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 23.8.19 312,98 kr/kg
Þorskur, slægður 23.8.19 279,86 kr/kg
Ýsa, óslægð 23.8.19 227,03 kr/kg
Ýsa, slægð 23.8.19 218,33 kr/kg
Ufsi, óslægður 23.8.19 111,14 kr/kg
Ufsi, slægður 23.8.19 132,47 kr/kg
Djúpkarfi 22.8.19 123,00 kr/kg
Gullkarfi 23.8.19 182,10 kr/kg
Litli karfi 15.8.19 0,00 kr/kg
Blálanga, óslægð 23.8.19 211,57 kr/kg

Fleiri tegundir »

25.8.19 Elli P SU-206 Lína
Þorskur 1.731 kg
Ýsa 1.306 kg
Steinbítur 964 kg
Lýsa 123 kg
Skarkoli 14 kg
Samtals 4.138 kg
25.8.19 Kristinn SH-812 Landbeitt lína
Ýsa 5.033 kg
Þorskur 4.007 kg
Steinbítur 190 kg
Keila 42 kg
Hlýri 15 kg
Samtals 9.287 kg
25.8.19 Vesturborg ÍS-320 Línutrekt
Ýsa 937 kg
Þorskur 631 kg
Steinbítur 10 kg
Karfi / Gullkarfi 2 kg
Langa 1 kg
Samtals 1.581 kg

Skoða allar landanir »