„Hibbi“ háhyrningur kominn úr höfninni

Björgunarmönnum úr Hafliða á Þórshöfn tókst í nótt að koma háhyrningi úr höfn og út fyrir varnargarð hafnarinnar. Björgunarsveitin var kölluð út um klukkan tíu í gærkvöldi eftir að tilkynning barst um hval sem væri fastur í grjótgarði í höfninni. 

Frétt af mbl.is

Háhyrningur strandaður við Þórshöfn

Samkvæmt upplýsingum frá fréttaritara mbl.is á Þórshöfn gekk illa að stugga háhyrningnum úr höfninni; hann hringsólaði og leitaði alltaf aftur inn í höfnina. Ötulir björgunarsveitarmenn á bátnum Jóni Kr gáfust þó ekki upp og sigldu nógu nálægt háhyrningnum til að fylgja honum út fyrir varnargarðinn um klukkan eitt í nótt. 

Skipverjar á björgunarbátnum Jóni Kr. sáu um að koma háhyrningnum á haf út. Frá vinstri: Halldór Jónsson, Þorsteinn Ægir Egilsson, Karl Ásberg Steinsson og Guðmundur Ari. Ljós­mynd/​Lín­ey Sig­urðardótt­ir

Áfram verður fylgst með höfninni því líklegt er talið að háhyrningurinn, sem björgunarsveitarmenn hafa gefið nafnið Hibbi, leiti aftur upp í fjöru þegar líða fer á morguninn. 

Stein­ar Þór Snorra­son­, lög­reglu­v­arðstjóri á Þórs­höfn, fylgdist með aðgerðum í nótt og Mat­væla­stofn­un hef­ur verið lát­in vita af strandi há­hyrn­ings­ins, sem þarf að öllum líkindum ekki að bregðast við þar sem hann er kominn úr höfninni.

Ljós­mynd/​Lín­ey Sig­urðardótt­ir

Ljós­mynd/​Lín­ey Sig­urðardótt­ir

• Blogga um frétt