Nóg að gera í fiskiðjuverinu

Skipin streyma til hafnar í Neskaupstað og er unninn bæði makríll og síld í töluverðu magni í fiskiðjuveri Síldarvinnslunnar um þessar mundir. Aðfaranótt sunnudags var lokið við að vinna 1.200 tonna síldarfarm úr Berki NK og síðan hófst vinna á 370 tonnum af makríl úr Beiti NK.

Margréti EA kom síðan með 1.100 tonn, helmingurinn makríll og helmingurinn síld. Skipið kom við á síldarmiðunum austur af landinu á leið af makrílmiðunum, að því er segir á vef Síldarvinnslunnar.

Kom Beitir NK á ný. Að þessu sinni með 1.200 tonn af síld sem nú er verið að vinna. Bjarni Ólafsson AK er á leið til hafnar með tæplega 500 tonn af makríl og Börkur NK á hælum hans með tæplega 600 tonn.

• Blogga um frétt