Heildarlosun koltvísýrings frá sjávarútvegi og matvælaiðnaði var ríflega 55% minni á árinu 2017 en árið 1995 samkvæmt tölum frá Hagstofu Íslands. Þar af hefur losunin frá fiskveiðum og fiskeldi dregist saman um tæp 49% og losun frá fiskvinnslu og öðrum matvælaiðnaði um 81%, að því er fram kemur í fréttatilkynningu frá Samtökum fyrirtækja í sjávarútvegi.

Tekið er fram að samdráttur í heildarlosun hafi átt sér stað án þess að hafa neikvæð áhrif á framleiðslu.

Frétt af mbl.is

Vistvænni prótín frá fiskeldi

Þá segir að „margir samverkandi þættir skýra árangurinn en hæst ber fiskveiðistjórnunarkerfið enda gætir áhrifa þess á flesta aðra þætti sem koma við sögu. Kerfið sjálft hefur eflst, fjárfesting í tækjum og búnaði verið mikil, skipum hefur fækkað og eru þau í dag mun öflugri og hagkvæmari í notkun og svo breytt orkunotkun.“

Jafnframt er bent á að fram til ársins 2003 var losun á koltvísýrings frá sjávarútvegi mest allra atvinnugreina, en hlutdeild sjávarútvegs og matvælaiðnaðar af heildarlosun hagkerfisins var komið niður í 7% árið 2017 en hafði verið 37% árið 1995.

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• Blogga um frétt