Þrátt fyrir að sjávarútvegurinn hafi þegar náð markmiðum Parísarsamkomulagsins, leggja stjórnvöld kolefnisgjald á greinina og boða frekari hækkun. Jens Garðar Helgason, formaður Samtaka fyrirtækja í sjávarútvegi, segir gjöldin hafa neikvæð áhrif á samkeppnishæfni sjávarútvegsins.

Heildarlosun koltvísýrings frá sjávarútvegi og matvælaiðnaði var ríflega 55% minni á árinu 2017 en árið 1995. Þar af hefur losunin frá fiskveiðum og fiskeldi dregist saman um tæp 49% og losun frá fiskvinnslu og öðrum matvælaiðnaði um 81%, samkvæmt gögnum Hagstofu Íslands.

Frétt af mbl.is

55% minni losun frá sjávarútvegi og matvælaiðnaði

„Mér finnst skjóta mjög skökku við að stjórnvöld hækki kolefnisgjöld á atvinnugrein sem er nú þegar búin að ná markmiðum Parísarsamkomulagsins. Þetta er sú atvinnugrein sem hefur náð langmestum árangri í að minnka kolefnisspor sitt á undanförnum árum,“ segir Jens Garðar. Telur hann einkennilegt að „því sé mætt með ekki bara kolefnisgjöldum heldur stórhækkuðum kolefnisgjöldum sem ekki fyrir löngu voru hækkuð um 50% og boðað er að muni hækka ennþá meira“. Formaðurinn bendir einnig á að sjávarútvegur í samkeppnislöndum íslensks sjávarútvegs búi ekki við viðlíka gjöld.

Spurður hvort hann telji gjöldin draga úr samkeppnishæfni íslensks sjávarútvegs í alþjóðlegri samkeppni segir hann svo vera. „Þetta gjald er bara eitt af gjaldaflórunni sem alltaf dregur tennurnar úr samkeppnishæfni íslensks sjávarútvegs.“

Tengdar fréttir

Veiðigjöld

Veiðigjöld tóku breytingum

• Greiddu rúma 10 milljarða í veiðigjöld
• 7,9 milljarða í veiðigjöld á 9 mánuðum
• Auðlindagjöld skili 12,2 milljörðum króna
• Mestu veiðigjöld síðustu fimm ár

» Fleiri tengdar fréttir