Í skýrslu sem unnin var fyrir leiðtogaráð fyrir sjálfbæra hagnýtingu hafsins (e. High Level Panel for a Sustainable Ocean Economy) er lagt til að frá og með á næsta ári verði gripið til aðgerða sem draga úr flutningi sjávarafurða með flugi til þess að draga úr kolefnisspori sjávarútvegs.

Skýrslan var eitt þeirra gagna sem voru til umræðu á leiðtogafundi Sameinuðu þjóðanna um loftslagsmál í New York í síðustu viku. Ísland er ekki með aðild að ráðinu.

Frétt af mbl.is

55% minni losun frá sjávarútvegi og matvælaiðnaði

Þá leggja skýrsluhöfundar einnig til að dregið verði úr fjárhagslegum stuðningi við sjávarútveg þar sem hann dregur úr fjárfestingum í endurnýjun fiskiskipaflota sem eykur afkastagetu skipa. Hagnýtari skip eru er sögð draga úr losun gróðurhúsalofttegunda við veiðar.

Ekkert ríkjanna hefur þó skuldbundið sig til þess að draga úr opinberu niðurgreiðslukerfi eða flutning sjávarafurða með flugi, að því er fram kemur í yfirliti yfir skuldbindingar ríkjanna á vef leiðtogaráðsins.

Aðilar að leiðtogaráðinu:

• Forsætisráðherra Ástralíu
• Forseti Fídjí
• Forseti Gana
• Forseti Indónesíu
• Forsætisráðherra Jamaíku
• Forsætisráðherra Japans
• Forsætisráðherra Kanada
• Forseti Kenýu
• Forseti Mexíkó
• Forseti Namibíu
• Forsætisráðherra Noregs
• Forseti Palaú
• Forsætisráðherra Portúgal
• Forseti Síle
• Sérstakur erindreki Sameinuðu þjóðanna í málefnum hafsins

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Enn eitt gagnslausa bullplaggið