Runólfur strax í róður

Vænst er að Runólfur SH, togskip sem bættist í flota GRUN hf. fyrir skemmstu og kom í fyrsta sinn til nýrrar heimahafnar í Grundarfirði í gær, fari strax til veiða í kvöld.„Við keyptum skipið ekki upp á punt, heldur til að skapa verðmæti. Við létum mála skipið í okkar bláu litum en þurftum engu öðru að breyta. Sendum strákana því strax á miðin og fyrsta löndun er áformuð á mánudagsmorgun,“ segir Guðmundur Smári Guðmundsson, framkvæmdastjóri GRUN, í samtali við Morgunblaðið.

Togskipið Runólfur SH er 290 brúttótonn, smíðaður í Póllandi árið 2006. Var áður sem Bergey VE í eigu og útgerð Bergs-Hugins/Síldarvinnslunnar í Vestmannaeyjum. Þessi viðskipti með skipið eru hluti af stórri fléttu í íslenskri útgerð sem tekin hefur verið að undanförnu; það er að sjö norsk nýsmíðaskip koma til landsins sem er skipt út fyrir eldri skip sem önnur sjávarútvegsfyrirtæki kaupa. Þ

Tíu manns verða í áhöfn Runólfs SH og undir skipstjórn Arnars Kristjánssonar verður í þorsk, ýsu, ufsa, karfa og flatfisk. Með kaupunum á Runólfi SH er ætlunin að styrkja hráefnisöflun fyrir nýtt og fullkomið fiskvinnsluhús GRUN. Starfsemi í því hófst snemma á þessu ári og í gegnum vinnsluna þar fara um 500 tonn á mánuði; fiskur sem að stærstum hluta er fluttur ferskur til kaupenda í Evrópu.

Runólfur Guðmundsson stjórnarformaður GRUN við skipið nýja. Morgunblaðið/Gunnar Kristjánsson.