ÚR og tengdir aðilar með 52,76% í Brimi
Setja bókamerki
Fyrirvarar vegna kaupa Útgerðarfélags Reykjavíkur á öllu hlutafé FISK-Seafood eignarhaldsfélagi ehf. í Brimi hf. hafa ekki verið uppfylltir. Hins vegar er gert ráð fyrir því að þeir verði uppfylltir 1. desember og mun þá eignarhlutur Útgerðarfélags Reykjavíkur og tengdra aðila í Brimi nema 52,76%, að því er fram kemur í flöggunartilkynningu frá Útgerðarfélagi Reykjavíkur.
Þar er rifjað upp að „á hluthafafundi í Brimi hf. 15. ágúst síðastliðinn var samþykkt að hækka hlutafé félagsins um 133.751.606 hluti sem skyldu afhentir Útgerðarfélagi Reykjavíkur hf. Hlutfjárhækkun þessi hefur nú komið til framkvæmda. Í kjölfarið eykst eignarhlutur Útgerðarfélags Reykjavíkur hf. og tengdra aðila úr 701.743.876 hlutum í 835.495.482 hluti, sem samsvarar hlutfallslegri aukningu úr 38,51% í 42,71% af heildarhlutafé Brims hf.“
Jafnframt er vísað til flöggunartilkynningar Útgerðarfélags Reykjavíkur frá 8. september 2019, þar sem tilkynnt var um að Útgerðarfélag Reykjavíkur hf. hefði gert samning um kaup á öllu hlutafé í FISK-Seafood, sem er eigandi 196.500.000 hluta í Brimi. Þegar fyrirvarar kaupanna eru uppfylltir mun eignarhlutur Útgerðarfélags Reykjavíkur hf. og tengdra aðila aukast í 1.031.995.482 hluti og hlutfall atkvæðisréttar félagsins í Brimi hf. í 52,76%.
Þó er tekið fram að stefnt sé að því að hlutur Útgerðarfélags Reykjavíkur í heildarhlutafé Brims verði til framtíðar undir helmingi hlutafjár.
Segir óábyrgt að skipta út öllu bankaráðinu
Þrjú og hálft ár fyrir skotárás í Úlfarsárdal
Innviðir þandir og álagið „gríðarlegt“
Kveðst tala af virðingu: „Ég er enginn dóni“
„Það er skiljanlegt að þolinmæði þeirra sé lítil“
Mikil skjálftavirkni á landinu áhyggjuefni
Aukin tíðni þungunarrofa hjá yngsta aldurshópnum