Í dag verður seiðaeldisstöð fiskeldisfyrirtækisins Arctic Fish á Tálknafirði opnuð með formlegum hætti. Sjö ár eru frá því að undirbúningur fyrir uppbyggingu stöðvarinnar hófst og er hún nú stærsta bygging á Vestfjörðum.

Fimmtán starfsmenn eru að jafnaði í seiðaeldisstöð Arctic Fish en auk þess voru ráðnir tíu sumarstarfsmenn hjá fyrirtækinu síðastliðið sumar. „Þetta gerir okkur að stærsta einstaka atvinnurekanda á Tálknafirði,“ hafði 200 mílur eftir Sigurð Pétursson, framkvæmdastjóra hjá Arctic Fish, í vikunni.

„Þetta markar þau tímamót að við erum komin með fullkláraða stöð sem afkastar yfir fjórum milljónum seiða. Við erum með tvær fullbúnar eldisbyggingar sem þá eru komnar í fulla notkun, vatnshreinsistöð sem og stöð sem vinnur úr öllum lífrænum úrgangi,“ sagði Sigurður. „Þó við séum vel í stakk búin til þess að stækka enn frekar þá er þetta ákveðinn áfangi sem höfum verið að stefna að, og erum að klára í þessum mánuði,“ bætir hann við.

Spurður hvort langur aðdragandi hafi verið svaraði Sigurður því játandi. „Það má alveg segja það, sjö ár. Þetta er mjög flókin stöð sem byggir á svokallaðri vatnsendurnýtingartækni og er eina stöðin sinnar tegundar á Íslandi.“

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir