„Við munum taka þetta sem fram hefur komið í málinu til meðferðar,“ segir Ólafur Þór Hauksson héraðssaksóknari í samtali við mbl.is um umfjöllun Kveiks og Stundarinnar um umsvif Samherja í Namibíu.

Þá staðfestir Ólafur Þór að Jóhannes Stefánsson, fyrrverandi starfsmaður Samherja í Namibíu, hafi mætt í skýrslutöku hjá embættinu í morgun.

Frétt af mbl.is

Mútur til að komast yfir fiskveiðikvóta

Ólafur Þór tekur fram að stærsti hluti málsins liggi þó í Namibíu og af þeim sökum fari meðferð málsins fram í samráði við yfirvöld þar í landi.

Jóhannes Stefánsson, fyrrverandi starfsmaður Samherja í Namibíu. Skjáskot/Kveikur

„Þetta er heilmikið efni sem þarna er sett fram svo það tekur ákveðinn tíma að fara í gegnum það og þau gögn sem geta sagt til um atburðarásina.“

Frétt af mbl.is

Birtir 30 þúsund skjöl um Samherja

Wikileaks birti í dag ríflega 30.000 skjöl tengd starfsemi Samherja í Namibíu, og samkvæmt tilkynningu er von á öðru eins innan nokkurra vikna. Ljóst er að málið er afar umfangsmikið, en samkvæmt umfjöllun Stundarinnar og Kveiks hafa félög í eigu Samherja greitt hundruð milljóna í mútur til einstaklinga tengdum sjávarútvegsráðherra Namibíu til að tryggja aðgang að veiðikvóta þar í landi.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• Blogga um frétt