Matvælastofnun hefur unnið tillögu að rekstrarleyfi sjókvíaeldis Háafells ehf. í Ísafjarðardjúpi sem felur í sér að heimiluð framleiðsla vaxi um 350% frá fyrra leyfi. Verði tillagan samþykkt mun heimildin fara úr tvö þúsund tonnum af regnbogasilungi og þorski í sjö þúsund tonn af regnbogasilungi og þorski, að því er segir í tilkynningu frá stofnuninni.

Hægt verður að gera athugasemdir við tillöguna og með tilheyrandi fylgigögnum til 12. desember 2019.

„Skipulagsstofnun telur að helstu neikvæðu áhrif fyrirhugaðs fiskeldis […] í innanverðu Ísafjarðardjúpi felist í aukinni hættu á að sjúkdómar og laxalús berist frá eldinu í villta laxfiskastofna á svæðinu og að regnbogasilungur sem sleppi úr eldi í miklum mæli kunni að hafa neikvæð áhrif á orðspor viðkomandi áa ef hann veiðist þar í umtalsverðu magni,“ segir í umsögn Skipulagsstofnunar.

Stofnunin telur hins vegar að „ekki verði fullyrt að fyrirhuguð framkvæmd muni hafa veruleg neikvæð áhrif á náttúrulega stofna laxfiska í Ísafjarðardjúpi.“

Tengdar fréttir

Fiskeldi

Heildarframleiðsla í laxeldi áætluð 31.500 tonn í ár

• 23% minna af eldisafurðum flutt út í júlí
• Markaðsverð á laxi fallið um 34% á tólf vikum
• Munar um framleiðsluna hjá Arctic Fish
• Stór fóðurprammi á Reyðarfjörð

» Fleiri tengdar fréttir

• 
• Blogga um frétt