Norskur laxeldisrisi rannsakaður í Bandaríkjunum

Samkeppnisyfirvöld í Bandaríkjunum hafa ákveðið að hefja sakamálarannsókn vegna mögulegs verðsamráðs laxeldisfyrirtækja sem framleiða norskan eldislax. Mun rannsóknin snúa að sambærilegum þáttum og framkvæmdastjórn Evrópusambandsins þegar hefur haft til skoðunar.

Laxeldisrisinn Mowi segir í tilkynningu að fyrirtækið telji ekki liggja fyrir haldbær rök fyrir úttekt framkvæmdastjórnar Evrópusambandsins og að þær ásakanir sem fyrirtækið hefur mátt sitja undir eigi sér enga stoð. „Þetta gildir einnig um mögulega sakamálarannsókn í Bandaríkjunum.“

„Mowi mun veita dómsmálaráðuneyti Bandaríkjanna liðsinni og afhenda allar upplýsingar sem beðið er um og varða dótturfélög í Bandaríkjunum,“ segir í tilkynningu fyrirtækisins.

Frétt af mbl.is

Norsku eldisrisarnir lögsóttir fyrir meint verðsamráð

• Blogga um frétt