„Það er mikill áhugi á því að ala lax á landi. Verð á laxi hefur verið mjög hátt og eftirspurnin eykst stöðugt. Menn hafa verið að skoða þessa möguleika, sérstaklega þar sem langt er til framleiðslulandanna,“ segir Jónas Jónasson, forstjóri Stofnfisks, en fyrirtækið er þátttakandi í landeldisuppbyggingunni sem nú er að ganga yfir víða um heim.

Jónas segir að horft sé til þess í þessum löndum að mikið er flutt inn af laxi með flugi, ýmis heilum eða í flökum. Með því að framleiða laxinn á staðnum sparist flutningskostnaður. „Enn er talið að framleiðslukostnaður í landstöðvum sé meiri en í sjókvíum. Margir telja sig hins vegar geta unnið upp muninn með því að draga úr flutningskostnaði,“ segir Jónas.

Stofnfiskur selur hrogn til nýrrar landeldisstöðvar í Miami í Bandaríkjunum sem er með stór áform um stækkun og til landeldis í Póllandi, Sviss, Danmörku, Kína og Dubai, svo dæmi séu tekin. Hrognin sem Stofnfiskur framleiðir hér á landi geta í fyllingu tímast orðið að 500 þúsund tonnum af laxi. 

Meira um málið í Morgunblaðinu í dag.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir