Hundruð mættu í Þorbjörninn hf. í Grindavík í dag, þar sem boðið var upp á fisk og franskar á breska vísu. Þetta var gert í tilefni af hátíðinni Fjörugum föstudegi sem jafnan er haldin í bænum í aðdraganda aðventunnar.
Þorbjörninn hefur lengi útvegað hráefni til breska fyrirtækisins The Chesterford Group sem rekur veitingastaðina Fish´n chickn og Churchill´s í London. Til þessa eina viðskiptavinar um 150 tonn af þorskflökum, sem ytra eru steikt eftir kúnstarinnar reglum. Í gegnum þessi viðskipti hafa myndast vinabönd og undanfarin ár hafa steikingarmeistarar að utan komið til Íslands og séð um matargerðina.
Allt frá 2013 hefur Þorbjörninn á föstudegi seint í nóvember boðið upp á fish’n’chips fyrir bæjarbúa sem flykkjast á staðinn og gera sér dagamun. Það var veisla í verstöðinni. Maður er manns gaman í útgerðarbænum, þar sem í dag var opið hús hjá ýmsum fyrirtækjum nærri hafnarsvæðinu.
Gunnar Tómasson framkvæmdastjóri Þorbjarnarins og Yngvi Stefánsson starfsmaður fyrirtækisins til margra ára.
mbl.is/Sigurður Bogi
Systkinin Enok og Ingibjörg Guðmundsdóttir gerðu veitingunum góð skil.
mbl.is/Sigurður Bogi
Fiskifólk. Guðrún Jóna Magnúsdóttir og Óli Björn Björnsson sem er skipstjóri á Sighvati GK.
mbl.is/Sigurður Bogi
Jónas Gestur Jónsson lögg. endurskoðandi gerði fiskinum góð skil.
mbl.is/Sigurður Bogi
Bretarnir steiktu fiskinn eftir kúnstarinnar reglum.
mbl.is/Sigurður Bogi
Matur er mannsins megin. Dagbjört Sigurðardóttir Hammer og Guðmundur Magnússon.
mbl.is/Sigurður Bogi
Hugh Lipscombe, eigandi veitingahúsakeðjunnar bresku, til vinstri og Eiríkur Dagbjartsson, útgerðarstjóri hjá Þorbirninum.
mbl.is/Sigurður Bogi
Vinkonur með veisluföng. Hjörtfríður Óðinsdóttir, til vinstri, og Dagmar Kristín Helgadóttir.
mbl.is/Sigurður Bogi
Skammtur í Lundúnastílnum.
mbl.is/Sigurður Bogi