Eiga 80% hlut í Naust Marine

Magnús V. Snædal, stjórnarformaður Naust Marine hf., og Bjarni Þór Gunnlaugsson, framkvæmdastjóri fyrirtækisins, hafa í gegnum félag sitt keypt meirihluta hlutafjár Naust Marine og eiga þeir nú rúmlega 80% hlut í fyrirtækinu, að því er fram kemur í tilkynningu til fjölmiðla.

Þar segir að velta Naust Marine verði „um 1,5 milljarðar á þessu ári og áætluð um 2,5 á því næsta. Dótturfélag Naust Marine á Spáni hefur vaxið mjög í kjölfar verkefna sem þar eru unnin fyrir og með Naust Marine Ísland í sambandi við stór verkefni fyrir bæði rússneskar útgerðir og bandarískar, en þess má geta að félagið rekur einnig útbú í Seattle sem þjónustar þarlenda aðila.“

Frétt af mbl.is

Milljarðasamningar í Rússlandi

Magnús hefur verið stjórnarformaður félagsins í tæp 7 ár og Bjarni Þór framkvæmdastjóri síðan 2007. Naust Marine ehf. var stofnað árið 1993 með það að markmiði að þróa og markaðssetja búnað fyrir sjávarútveg og annan iðnað. Aðalverkefni fyrirtækisins hefur fram til þessa verið þróun og framleiðsla sjálfvirka togvindukerfisins ATW CatchControl (Automatic Trawl Winch) sem og hönnun og smíði á öllum helstu vindum og ýmsum búnaði fyrir fiskiskip.

• Blogga um frétt