Stærsta fjárfesting í sögu Landsbjargar

Annasamt hefur verið hjá sjóbjörgunarsveitunum á árinu. Nú er stefnt …
Annasamt hefur verið hjá sjóbjörgunarsveitunum á árinu. Nú er stefnt að umfangsmestu uppfærslu búnaðar í sögu Landsbjargar. Ljósmynd/Landsbjörg

Slysavarnafélagið Landsbjörg stefnir að endurnýjun þrettán björgunarskipa félagsins. Er markmiðið að stytta viðbragðstíma og tryggja að floti félagsins sé í stakk búinn til þess að takast á við krefjandi aðstæður.

„Helsta ástæða þess að við erum að hugsa um endurnýjun stóru björgunarskipanna okkar er að yngsta skipið okkar er smíðað árið 1993 og elsta skipið sem enn er í notkun er smíðað 1978. Skipin eru öll góð, örugg og vel við haldin en það er alveg ljóst að það er orðið löngu tímabært að uppfæra þau,“ segir Örn Smárason, verkefnastjóri sjóbjörgunar hjá Landsbjörg.

Meðal annars miða áform félagsins að því að uppfæra búnaðinn sem notaður er við björgunarstarf, að sögn hans. „Við erum að reyna að koma okkur inn í nútímann með nýjum siglingatækjum, miklu betri aðstöðu fyrir áhöfn meðal annars með fjarandi sætum og beltum. Þannig að menn séu betur í stakk búnir til þess að takast á við erfiðar aðstæður.“

Örn Smárason, verkefnastjóri sjóbjörgunar hjá Landsbjörg.
Örn Smárason, verkefnastjóri sjóbjörgunar hjá Landsbjörg. mbl.is/Árni Sæberg

Flotinn ekkert að yngjast

Spurður hvort skipin hafi verið það vel við haldin að þau séu enn fær um að sinna hlutverki sínu svarar hann því játandi. „Algjörlega. En þær áætlanir sem við vinnum með gera ráð fyrir að endurnýja öll þrettán skipin okkar á tíu árum. Skipin okkar eru ekki að yngjast og er meðalaldurinn orðinn rúm þrjátíu ár. Með nýjum tímum koma nýjar kröfur.“

Þá sé augljós ávinningur sem fylgir því að fara í umrædda endurnýjun þar sem ellefu af þrettán skipum björgunarsveitanna ganga við bestu aðstæður fjórtán hnúta. En LAndsbjörg telur ganghraða nýju skipanna verða 27 til 30 hnútar. „Þetta er tvöföldun á viðbragðsgetu á flestum stöðum,“ útskýrir verkefnastjórinn sem segir nýjan flota verða byltingu í starfsemi sjóbjörgunarsveitanna.

Björgunarsveitarfólk hefur sinnt fjölmörgum erfiðum verkefnum á árinu.
Björgunarsveitarfólk hefur sinnt fjölmörgum erfiðum verkefnum á árinu. Ljósmynd/Landsbjörg

Milljarðafjárfesting

Fulltrúar Landsbjargar eru búnir að heimsækja fjölda framleiðenda og safna miklu magni upplýsinga til að gengið sé úr skugga um að skipin sem keypt verða uppfylli þarfir íslensku sjóbjörgunarsveitanna.

„Á þessari stundu er verkefnið tvíþætt. annars vegar að tryggja fjármagn fyrir verkefninu sem er gríðarlega stórt viðfangsefni og síðan höfum við frá 2017 verið að afla okkur upplýsingar um mögulega kosti. Við höfum skoðað skip og erum búin að heimsækja töluvert af skipasmíðastöðvum sem eru í þessum geira að smíða björgunarskip. Við höfum unnið að skýrslu um þessa kosti sem við höfum skoðað undanfarið með Navis og verður unnið áfram með ríkisvaldinu að því hvert formið verður á endanlegum kaupsamningum,“ útskýrir Örn.

Enginn vafi er um að talsverður kostnaður mun fylgja því að fara í eins mikla endurnýjun og Landsbjörg hefur sett á áætlun. Gert er ráð fyrir að hvert björgunarskip mun kosta um 190 til 240 milljónir króna og þýðir þetta að heildarkostnaðurinn getur orðið um 2,4 til 3,1 milljarður króna.

Ljósmynd/Landsbjörg

„Þegar við förum í gang með þetta verkefni er okkur ljóst að við erum að ræða um stærsta einstaka fjárfestingaverkefni Slysavarnafélagsins Landsbjargar frá upphafi,“ segir Örn og bendir á að félagið standi ekki eitt að verkefninu þar sem í gangi eru viðræður við ríkisvaldið um að það komi að fjármögnun flotans. Þá séu vonir um að ríkið taki á sig allt að helming af kostnaðinum.

„Síðan þurfum við alveg klárlega að leita fjármagns í samfélaginu og erum að hefja þá vegferð fyrir þessar þörfu bjargir,“ segir Örn sem kveðst binda vonir við að þjóðin standi við bakið á Landsbjörg við að fjármagna smíðin. „Eins og í öllu sjálfboðaliðastarfi þurfum við augljóslega aðstoð fyrirtækja og almennings til að klára þetta verkefni.“

Aukið álag á Ísafirði

Örn segir að í samanburði við fyrri ár hafi útköllum fjölgað á árinu samkvæmt bráðabirgðatölum félagsins. Þá hafi fjölgun útkalla náð til björgunarskipa, harðbotnabáta og slöngubáta. Einnig hefur samsetning útkallanna breyst milli ára. Það hafa verið aðeins fleiri alvarleg atvik en hefur verið undanfarin ár. Hann segir enga sérstaka skýringu að baki þess að útköllum hafi fjölgað á árinu og bendir á að það sé vel þekkt að tíðni útkalla eigi það til að ganga í bylgjum.

Björgun strandaðra hvala var meðal verkefna á árinu.
Björgun strandaðra hvala var meðal verkefna á árinu. Ljósmynd/Landsbjörg

Verkefnastjórinn segir fjölgun útkalla og breyting á samsetningu þeirra hafi átt sér stað á landinu öllu en bendir sérstaklega á Ísafjörð. „Á Ísafirði hafa menn mikið verið að sinna sjúkraflutningum í sambandi við skemmtiferðaskip og ferðamenn á Hornströndum. Mikið er um að þurfi að þjónusta Hornstrandirnar og friðlandið á Hornströndum sem er orðið gríðarlega vinsælt svæði og vex stöðugt ásóknin þangað. Að hluta til fóru Ísfirðingar í endurnýjun og notuðu skip frá Noregi í vor af því að samsetning útkallanna hafði breyst mikið og mikil þörf var á auknum viðbragðshraða. Skipið sem var tekið í notkun í vor gengur tíu hnútum hraðar en skipið sem var áður.“

Útköll björgunarskipa það sem af er ári hafa verið 91, en þau voru 64 allt árið í fyrra og hafa því fjölgað um 42,8% milli ára. Þá voru útköll 64 árið 2017 og 61 árið á undan. Það sem af er ári hafa útköll minni skipa og báta verið 105 sem er 26,5% fleiri en allt árið 2018 þegar þau voru 83. Árið 2017 voru útköllin 75 talsins og 56 árið 2016.

Ljósmynd/Landsbjörg

Lífsbjargandi hraði

Spurður hvort sjóbjörgunarfólk hafi sérstakar áhyggjur af þeim áskorunum sem fylgja aukinni umferð skemmtiferðaskipa sem hafa jafnvel tvö eða þrjú þúsund farþega um borð, svarar Örn: „Auðvitað erum við með það í huga að þurfa að geta brugðist við þegar fjöldi er á ferðinni, ekki bara í þessum tilfellum heldur eru íslenskir aðilar einnig að stunda fólksflutninga á sjó til að mynda hvalaskoðunarbátarnir. Við viljum einfaldlega geta brugðist við með betri útbúnaði og á skemmri tíma, það eru aðalatriðin. Það er lífsbjargandi fasi þessara skipa sem við þurfum að uppfæra og þar skiptir ganghraðinn gríðarlega miklu máli.“

Ljósmynd/Landsbjörg

Viðtalið við Örn Smárason var fyrst birt 20. desember í 200mílum, sérblaði Morgunblaðsins um sjávarútvegsmál.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Blíðfari ÓF 70 Grásleppunet
Grásleppa 2.961 kg
Þorskur 217 kg
Samtals 3.178 kg
28.3.24 Helga Sæm ÞH 70 Grásleppunet
Grásleppa 4.013 kg
Samtals 4.013 kg
28.3.24 Hafdís Helga EA 51 Grásleppunet
Grásleppa 898 kg
Þorskur 92 kg
Skarkoli 13 kg
Samtals 1.003 kg
28.3.24 Fengur EA 207 Grásleppunet
Grásleppa 1.217 kg
Þorskur 104 kg
Skarkoli 14 kg
Rauðmagi 4 kg
Samtals 1.339 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Blíðfari ÓF 70 Grásleppunet
Grásleppa 2.961 kg
Þorskur 217 kg
Samtals 3.178 kg
28.3.24 Helga Sæm ÞH 70 Grásleppunet
Grásleppa 4.013 kg
Samtals 4.013 kg
28.3.24 Hafdís Helga EA 51 Grásleppunet
Grásleppa 898 kg
Þorskur 92 kg
Skarkoli 13 kg
Samtals 1.003 kg
28.3.24 Fengur EA 207 Grásleppunet
Grásleppa 1.217 kg
Þorskur 104 kg
Skarkoli 14 kg
Rauðmagi 4 kg
Samtals 1.339 kg

Skoða allar landanir »