Stofnfiskur hyggst stækka kynbótastöð sína við Vogavík í Vogum. Í tillögu að matsáætlun kynnir fyrirtækið áform um að auka framleiðslu laxeldis úr tæpum 300 tonnum í 450 tonn á ári.

Inni í því er falið áframhaldandi eldi á kynbótafiski til hrognaframleiðslu og eldi á laxaseiðum sem ætlunin er að hefja í stöðinni. Vegna stækkunarinnar þarf að auka vinnslu á grunnvatni úr 972 í 1.172 lítra á sekúndu, að því er fram kemur í Morgunblaðinu í dag.

Við undirbúning framkvæmdarinnar vakti Skipulagsstofnun athygli á að vatnsvinnsla vegna núverandi starfsemi er rúmlega þrefalt meiri en gert var ráð fyrir í umhverfismati á sínum tíma. Þá hefur Umhverfisstofnun gert athugasemdir við að framleiðsla í stöðinni sé meiri en þau 200 tonn sem starfsleyfi heimilar. Frávikinu verði þó ekki fylgt eftir á meðan Stofnfiskur vinnur að mati á umhverfisáhrifum.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir