„Ætli við tökum ekki þann tíma sem við þurfum í lagfæringar áður en við förum út aftur um eða eftir helgi, það er stöðug ótíð í kortunum,“ segir Þorgeir Guðmundsson, skipstjóri á Verði ÞH 44, í Morgunblaðinu í dag.

Skipið lá þá inni á Akureyri og var unnið við lagfæringar á búnaði á millidekki. Vegna brælu leituðu mörg skip vars í gær í Ísafjarðardjúpi og á Húnaflóa.

Vörður er nýtt skip og kom úr sínum fyrsta raunverulega fiskitúr á þriðjudag með um 40 tonn eftir 2½ sólarhring að veiðum í Hvalbakshallinu og Digranesflaki fyrir austan Langanes. Þorskur, sem fór til vinnslu á Grenivík, var uppistaðan í aflanum, en eitthvað fór á markað.

Þorgeir segir að menn þurfi tíma til að læra á nýja skipið, en skítabræla hafi verið við Langanes. Á millidekki er fullkominn búnaður sem bæði stærðarflokkar og tegundagreinir fiskinn og segir Þorgeir að verið sé að yfirfara það sem betur mátti fara í fyrsta túrnum.

Tengdar fréttir

Óveður í janúar 2020

Kannast ekki við að hafa réttarstöðu sakbornings

• Tveir með réttarstöðu sakbornings
• Farþegum til Íslands fjölgaði um 17%
• Illviðrisdagar óvenjumargir
• Lögmenn sátu um ferðamennina í Gullfosskaffi

» Fleiri tengdar fréttir