„Rólegt á vígstöðunum þessa helgina“

„Hún er núna í fullu tungli tiltölulega há, en þetta gengur yfir. Þetta veltur á veðri hvernig menn glíma við þetta og við sleppum ágætlega núna sýnist mér miðað við þær lægðir sem eru að ganga yfir,“ segir Gísli Gíslason, hafnarstjóri Faxaflóahafna, í samtali við mbl.is um sjávarstöðuna.

Hann útskýrir að sjávarstaðan sé hærri þegar er djúp lægð og að það geti bætt við 30 til 40 sentimetrum í sjávarstöðuna. Þá velti þetta á samspil sjávarstöðu, loftþrýstings og vindáttar.

Gísli segir ekki sérstakar áhyggjur fylgja hærri sjávarstöðu að þessu sinni. „Við förum alltaf yfir stöðuna og gerðum það fyrir helgina og menn eru svo sem viðbúnir þessu eins og hægt er. Þannig að það er rólegt á vígstöðunum þessa helgina alla vega.“

„Í gegnum tíðina hafa komið heilmiklir skellir með hárri sjávarstöðu. Það sem við sjáum núna er að sjávarstaðan er að jafnaði nokkuð hærri en flóðatöflurnar, við viljum ekki spá miklu, en okkur finnst almennt hærra sjávarborð augljóslega vera farið að sýna sig.“

• Blogga um frétt