Loks gerði stund milli stríða hjá sjómönnum á Snæfellsnesi í gærkvöldi þegar gerði ágætisveður eftir kvöldmat og drifu smábátasjómenn sig á hafið.

Veðurspá gerði ráð fyrir blíðu fram í morgunsárið og síðan vaxandi vindi þegar leið á morguninn og því var um að gera að skella sér á sjóinn meðan hægt var og voru bátarnir komnir flestir að landi snemma morguns, og flestir með ágætisafla eins og Særif SH frá Rifi sem var með 10 tonn og netabáturinn Magnús SH var með 13 tonn. Þessir bátar lönduðu á Rifi Í Ólafsvík og var línubáturinn Kristinn HU með 12 tonn, netabáturinn Ólafur Bjarnarson var með 5 tonn, dragnótabáturinn Gunnar Bjarnarson var með 6 tonn í fáum köstum. Netbáturinn Bárður SH var einnig með góðan afla eða 8 tonn.

Að sögn Andra Steins Benediktssonar, framkvæmdastjóra fiskmarkaðar Snæfellsbæjar, var gott verð á fiskinum í dag, en alls voru seld 60 tonn af þorski og 50 tonn af ýsu á fiskmörkuðum á Íslandi í dag og var meðalverð á þorski 456 krónur en þorskur sem er yfir 8 kíló fór á 680 krónur og meðalverð á ýsu var 365 krónur á kílóið.

Það er búð að vera hátt fiskverð að undanförnu segir Andri og mikil eftirspurn þar sem stanslausar brælur hafa verið það sem er af þessu ári og bátar lítið komist á sjó auk þess sem bræluspá sé fram undan segir Andir að lokum.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt