12,1 milljarða aflaverðmæti í október

Í október 2019 nam aflaverðmæti úr sjó 12,1 milljarði króna sem er um 2% minna samanborið við sama mánuð árið 2018, að því er fram kemur á vef Hagstofu Íslands.

Verðmæti botnfiskafla var um 9 milljarða króna í október sem er 2,9% aukning miðað við október árið á undan en verðmæti uppsjávarafla nam rúmlega 2,2 milljörðum króna í október og dróst saman um 11,3% samanborið við október 2018.

Þá var seldur afli fyrir um 7 milljarða króna í beinni sölu útgerða til vinnslu innanlands í október, en verðmæti sjófrysts afla var 2,9 milljarðar króna og verðmæti afla sem seldur var á markaði var um 1,7 milljarðar.

• Blogga um frétt