Navigator kominn aftur til veiða

Togarinn Navigator, sem íslenska útgerðarfélagið Úthafsskip gerir út til veiða í Máritaníu, er kominn aftur til veiða í lögsögu landsins. Er það gert í samræmi við samning fyrirtækisins við stjórnvöld þar í landi og á grundvelli veiðigjalda sem ákvörðuð eru af stjórnvöldum Máritaníu.

Þetta kemur fram í tilkynningu sem Haraldur Jónsson, eigandi Úthafsskipa, hefur sent frá sér. 

Frétt af mbl.is

Rannsókn vegna Navigator enn í gangi

„Greint var frá því 17. desember síðastliðinn að yfirvöld í Senegal, nágrannaríki Máritaníu í suðri, hefðu flutt togarann til hafnar vegna meintra veiða innan lögsögu landsins. Nákvæm staðsetningartæki skipsins sýna svo ekki verður um villst að skipið var við veiðar innan lögmætrar lögsögu Máritaníu þegar það var stöðvað. Hins vegar er ljóst að yfirvöld í Senegal gripu til þvingunarúrræða gagnvart áhöfn Navigator þar sem skipið var statt innan lögsögu Máritaníu og þeim gert að sigla til hafnar í Dakar,“ segir Haraldur í tilkynningunni. 

Frétt af mbl.is

Segir togarann ekki hafa veitt án leyfis

Þá segir, að Úthafsskip hafi eftir viðræður náð samkomulagi við yfirvöld í Senegal sem gerði útgerðinni kleift að sigla Navigator að nýju til Máritaníu þar sem fyrirtækið hafi rétt til veiða.

• Blogga um frétt