Sigurður Davíð til Sjávarklasans

Sigurður Davíð Stefánsson hefur verið ráðinn nýsköpunarstjóri Íslenska sjávarklasans, að því er fram kemur í fréttatilkynningu. Þar segir að Sigurður hafi BSc í rekstrarverkfræði frá Háskólanum í Reykjavík og að hann hafi lokið meistaranámi í rekstrarverkfræðideild KTH í Stokkhólmi með sérhæfingu í nýsköpunarstjórnun og frumkvöðlafræði.

Sigurður Davíð Stefánsson Ljósmynd/Sjávarklasinn

Árið 2016 stofnaði Sigurður Davíð, ásamt þremur félögum sínum, fyrirtækið Rentmate en fyrirtækið sérhæfir sig í leigumiðlun til erlendra námsmanna og hlaut fyrirtækið frumkvöðlastyrk Norðurlandaráðs. Áður starfaði hann sem rekstrarstjóri 101 Skugga Guesthouse og innan vörustjórnunardeildar Marels.

„Mikill kraftur hefur verið í nýsköpunarstarfi klasans og með ráðningu Sigurðar er ætlunin að leggja enn meiri áherslu á nýsköpunarstarfið og sérstaklega að tengja stærri fyrirtæki í klasanum við frumkvöðla og sprotafyrirtæki,“ segir í tilkynningunni frá sjávarklasanum.

• Blogga um frétt